ਲੰਡਨ (12 ਮਾਰਚ, 2015): ਬਿ੍ਟਿਸ਼ ਸਿੱਖ ਰਿਪੋਰਟ 2015 ਵਿਚ ਇਸ ਗੱਲ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ ਕਿ ਬਰਤਾਨੀਆਂ ਵਿਚ ਮਈ 2015 ‘ਚ ਹੋਣ ਵਾਲੀਆਂ ਸੰਸਦੀ ਚੋਣਾਂ ਵਿਚ 31 ਫ਼ੀਸਦੀ ਸਿੱਖ ਵੋਟਰਾਂ ਦਾ ਝੁਕਾਅ ਲੇਬਰ ਪਾਰਟੀ ਦੇ ਹੱਕ ਵਿਚ ਤੇ 16 ਫ਼ੀਸਦੀ ਸਿੱਖ ਕੰਜ਼ਰਵੇਟਿਵ ਪਾਰਟੀ, 4 ਫ਼ੀਸਦੀ ਗਰੀਨ, 3 ਫ਼ੀਸਦੀ ਯੂ. ਕੇ. ਆਈ. ਪੀ. ਅਤੇ ਸਿਰਫ਼ 1 ਫ਼ੀਸਦੀ ਲਿਬਰਲ ਡੈਮੋਕਰੇਟਿਕ ਦੇ ਹੱਕ ਵਿਚ ਹਨ।
ਸਿੱਖ ਬੁੱਧੀਜੀਵੀ, ਵਿਦਵਾਨ ਅਤੇ 1000 ਦੇ ਕਰੀਬ ਸਿੱਖਾਂ ਵੱਲੋਂ ਕਰੜੀ ਮੁਸ਼ੱਕਤ ਨਾਲ ਤਿਆਰ ਕੀਤੀ ਇਸ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ 81 ਫ਼ੀਸਦੀ ਬਿ੍ਟਿਸ਼ ਸਿੱਖ ਸਿਹਤ ਵਿਭਾਗ, 78 ਫ਼ੀਸਦੀ ਆਰਥਿਕਤਾ ਅਤੇ 77 ਫ਼ੀਸਦੀ ਵਿੱ ਦਿਅਕ ਢਾਂਚੇ ਨੂੰ ਮੁੱਖ ਰੱਖ ਰਹੇ ਹਨ।ਦੋ ਤਿਹਾਈ ਬਰਤਾਨਵੀ ਸਿੱਖ (67%) ਯੂ. ਕੇ. ਨੂੰ ਯੂਰਪ ਦਾ ਹਿੱਸਾ ਬਣੇ ਰਹਿਣ ਦੇ ਹੱਕ ਵਿਚ ਹਨ ਅਤੇ 62 ਫ਼ੀਸਦੀ ਸਿੱਖਾਂ ਦੀ ਇੱਛਾ ਹੈ ਕਿ ਧਾਰਮਿਕ ਆਜ਼ਾਦੀ ਤੋਂ ਪੀੜਤ ਵਿਦੇਸ਼ੀ ਲੋਕਾਂ ਨੂੰ ਯੂ. ਕੇ. ਵਿਚ ਸ਼ਰਨ ਦੇਣੀ ਚਾਹੀਦੀ ਹੈ।
ਬਿ੍ਟਿਸ਼ ਸਿੱਖ ਰਿਪੋਰਟ 2015 ਦਾ ਸਵਾਗਤ ਕਰਦਿਆਂ ਪ੍ਰਧਾਨ ਮੰਤਰੀ ਡੇਵਿਡ ਕੈਮਰੂਨ ਨੇ ਕਿਹਾ ਹੈ ਕਿ ਯੂ. ਕੇ ਵਿਚ ਸਿੱਖਾਂ ਦਾ ਬਹੁਤ ਵੱਡਾ ਰੋਲ ਹੈ।ਇਤਿਹਾਸਕ ਤੌਰ ‘ਤੇ ਵੀ ਉਸਾਰੂ ਹੈ।
ਡਿਪਟੀ ਪ੍ਰਧਾਨ ਮੰਤਰੀ ਕਿੱਕ ਕਿਲੰਗ ਨੇ ਕਿਹਾ ਕਿ ਸਿੱਖਾਂ ਦਾ ਲੰਮਾ ਅਤੇ ਮਾਣਮੱਤਾ ਇਤਿਹਾਸ ਹੈ।ਲੇਬਰ ਪਾਰਟੀ ਦੇ ਨੇਤਾ ਏਡ ਮਿਲੀਬੈਂਡ ਨੇ ਕਿਹਾ ਕਿ ਬਿ੍ਟਿਸ਼ ਸਿੱਖ ਰਿਪੋਰਟ 2015 ਲਈ ਸੁਨੇਹਾ ਦਿੰ ਦਿਆਂ ਖੁਸ਼ੀ ਮਹਿਸੂਸ ਕਰ ਰਿਹਾ ਹਾਂ।ਬਰਤਾਨਵੀ ਸਿੱਖ ਭਾਈਚਾਰਾ ਸਾਡੀ ਸੁਸਾਇਟੀ ਦਾ ਅਨਿੱਖੜਵਾਂ ਅੰਗ ਹੈ।
