ਇਹ ਵੀਡੀਓੁ ਸਿੱਖ ਸਿਆਸਤ ਵੱਲੋਂ ਡਾ. ਸੇਵਕ ਸਿੰਘ ਨਾਲ ਕੀਤੀ (18 ਮਿੰਟ) ਵਿਚਾਰ ਚਰਚਾ ਦਾ ਇੱਕ ਹਿੱਸਾ ਹੈ।
ਇਹ ਵਿਚਾਰ ਚਰਚਾ ਸਿੱਖ ਗੁਰੂ ਸਹਿਬਾਨ ਦੀ ਫਿਲਮਾਂ/ਨਾਟਕਾਂ ਵਿੱਚ ਪੇਸ਼ਕਾਰੀ, ਖਾਸ ਕਰਕੇ ਆਉਣ ਵਾਲੀ ਫਿਲ਼ਮ “ਨਾਨਕਸ਼ਾਹ ਫਕੀਰ” ਚੱਲ ਚਰਚਾ ਦੇ ਸਬੰਧ ਵਿੱਚ ਹੈ।ਫਿਲਮ ਨਾਨਕਸ਼ਾਹ ਫਕੀਰ ਬਣਾਉਣ ਵਾਲੇ ਹਰਿੰਦਰ ਸਿੱਕਾ ਦਾ ਦਾਅਵਾ ਹੈ ਕਿ ਇਹ ਫਿਲਮ ਗੁਰੂ ਨਾਨਕ ਸਾਹਿਬ ਜੀ ਦੇ ਜੀਵਨ ਅਤੇ ਸਿੱਖਿਆਵਾਂ ‘ਤੇ ਅਧਾਰਿਤ ਹੈ। ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਪਹਿਲਾਂ ਹੀ ਇਸ ਫਿਲਮ ਨੂੰ ਰੱਦ ਕਰ ਚੁੱਕੀ ਹੈ ਕਿਉਂਕਿ ਇਹ ਫਿਲਮ ਸਿੱਖ ਗੁਰੂ ਸਹਿਬਾਨ ਦੀ ਫਿਲਮਾ/ ਨਾਟਕਾਂ ਆਦਿ ਵਿੱਚ ਪੇਸ਼ਕਾਰੀ ਸਬੰਧੀ ਸਿੱਖ ਸਿਧਾਂਤਾਂ ਦੀ ਉਲੰਘਣਾ ਕਰਦੀ ਹੈ।
ਸਿੱਖ ਸਿਆਸਤ ਦੇ ਸੰਪਾਦਕ ਸ੍ਰ. ਪਰਮਜੀਤ ਸਿੰਘ ਵੱਲੋਂ ਸਿੱਖ ਗੁਰੂ ਸਹਿਬਾਨਾਂ ਨੂੰ ਫਿਲਮਾ/ਨਾਟਕਾਂ ਵਿੱਚ ਪਾਤਰ ਦੇ ਰੂਪ ਵਿੱਚ ਪੇਸ਼ ਕਰਨ ਦੇ ਮੁੱਦੇ ‘ਤੇ ਬੜੂ ਸਾਹਿਬ ਯੂਨੀਵਰਸਿਟੀ (ਹਿਮਾਚਲ ਪ੍ਰਦੇਸ਼) ਦੇ ਧਰਮ ਦੇ ਸਹਾਇਕ ਪ੍ਰੋਫੈਸਰ ਡਾ. ਸੇਵਕ ਸਿੰਘ ਨਾਲ ਵਿਚਾਰ-ਚਰਚਾ ਕੀਤੀ ਗਈ। ਡਾ. ਸੇਵਕ ਸਿੰਘ ਨੇ ਸਪੱਸ਼ਟ ਕੀਤਾ ਕਿ ਪਵਿੱਤਰ ਸਿੱਖ ਪ੍ਰੰਪਰਾਵਾਂ ਦੀ ਉਲੰਘਣਾ ਕਰਕੇ ਕੀਤਾ ਗਿਆ ਪ੍ਰਚਾਰ ਨਾ ਨਾ ਤਾ ਪ੍ਰਚਾਰ ਹੈ ਅਤੇ ਨਾਹੀ ਕਿਸੇ ਤਰਾਂ ਦੀ ਸੇਵਾ ਹੈ।
ਉਨ੍ਹਾਂ ਕਿਹਾ ਕਿ ਸਿੱਖੀ ਦੇ ਪ੍ਰਚਾਰ ਲਈ ਸਿੱਖੀ ਦੇ ਸਿਧਾਂਤਾਂ ‘ਤੇ ਅਧਾਰਿਤ ਫਿਲਮਾਂ ਬਣਾਈਆਂ ਜਾ ਸਕਦੀਆਂ ਹਨ, ਪਰ ਫਿਲਮ ਨਿਰਮਾਤਾ ਸਿੱਖ ਗੁਰੂ ਸਹਿਬਾਨ ‘ਤੇ ਹੀ ਫਿਲਮਾਂ ਬਣਾਉਣ ਲਈ ਕਿਉਂ ਬਾ-ਜ਼ਿੱਦ ਹਨ, ਜੋਕਿ ਸਿੱਖ ਪ੍ਰੰਪਰਾਵਾਂ ਦੀ ਉਲੰਘਣਾ ਹੈ।
Source: You Tube/SIkhSiyasat
