ਚੰਡੀਗੜ੍ਹ: ਬੀਤੀ ਰਾਤ ਮੋਹਾਲੀ ਦੇ ਫੇਜ਼ 8 ਵਿਚ ਪੰਜਾਬੀ ਗਾਇਕ ਪਰਮੀਸ਼ ਵਰਮਾ ਅਤੇ ਉਸ ਨਾਲ ਮੌਕੇ ‘ਤੇ ਮੋਜੂਦ ਇਕ ਮਿੱਤਰ ਨੂੰ ਗੋਲੀ ਮਾਰ ਦਿੱਤੀ ਗਈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਰਮੀਸ਼ ਵਰਮਾ ਅਤੇ ਉਸਦਾ ਮਿੱਤਰ ਖਤਰੇ ਤੋਂ ਬਾਹਰ ਹਨ ਤੇ ਫੋਰਟਿਸ ਹਸਪਤਾਲ ਵਿਚ ਦਾਖਲ ਹਨ। ਪੁਲਿਸ ਸੂਤਰਾਂ ਅਨੁਸਾਰ ਵਰਮਾ ਦੇ ਗੋਡੇ ‘ਤੇ ਗੋਲੀ ਲੱਗੀ ਹੈ।
ਮੀਡੀਆ ਰਿਪੋਰਟਾਂ ਅਨੁਸਾਰ ਪਰਮੀਸ਼ ਵਰਮਾ ‘ਤੇ ਚੱਲੀ ਇਸ ਗੋਲੀ ਦੀ ਜਿੰਮੇਵਾਰੀ ਦਿੱਲੀਪ੍ਰੀਤ ਸਿੰਘ ਢਾਹਾਂ ਨੇ ਲਈ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ ਦਿਲਪ੍ਰੀਤ ਸਿੰਘ ਢਾਹਾਂ ਨੇ ਫੇਸਬੁੱਕ ‘ਤੇ ਪੋਸਟ ਪਾ ਕੇ ਇਸ ਗੋਲੀ ਕਾਂਢ ਦੀ ਜਿੰਮੇਵਾਰੀ ਲਈ ਹੈ। ਦਿਲਪ੍ਰੀਤ ਨੇ ਲਿਖਿਆ ਕਿ, “ਮੈਂ ਦਿਲਪ੍ਰੀਤ ਸਿੰਘ ਢਾਹਾਂ ਸਾਰਿਆਂ ਨੂੰ ਦਸਣਾ ਚਾਹੁੰਦਾ ਕੇ ਅੱਜ ਪਰਮੀਸ਼ ਵਰਮਾ ਦੇ ਗੋਲੀਆਂ ਬੱਜੀਆਂ ਆਪਾਂ ਮਾਰੀਆਂ।”
ਜਿਕਰਯੋਗ ਹੈ ਕਿ ਪਰਮੀਸ਼ ਵਰਮਾ ਨੇ ਆਪਣਾ ਕੈਰੀਅਰ ਵੀਡੀਓ ਨਿਰਦੇਸ਼ਕ ਤੋਂ ਸ਼ੁਰੂ ਕੀਤਾ ਸੀ ਪਰ ਹੁਣ ਉਸਨੇ ਆਪਣੀ ਅਵਾਜ਼ ਵਿਚ ਗੀਤ ਰਿਕਾਰਡ ਵੀ ਕਰਵਾਏ।
