ਇਸਪਾਨੋਲਾ: ਚਿਲੀ ਦੇਸ਼ ਵਿੱਚ 200 ਤੋਂ ਵੱਧ ਕਨੂੰਨੀ ਮਾਨਤਾ ਪ੍ਰਾਪਤ ਧਾਰਮਿਕ ਪੰਥ ਹਨ ਪਰ 25 ਜਨਵਰੀ, 2016 ਤੱਕ ਇਨ੍ਹਾਂ ਵਿੱਚ ਸਿੱਖ ਧਰਮ ਸ਼ਾਮਿਲ ਨਹੀਂ ਸੀ।
4 ਸਾਲਾਂ ਤੱਕ ਲਗਾਤਾਰ ਯਤਨ ਕਰਨ ਤੋਂ ਬਾਅਦ ਆਖਿਰਕਾਰ ਚਿੱਲੀ ਦੇ ਸਿੱਖਾਂ ਨੇ ਸਿੱਖ ਧਰਮ ਨੂੰ ਕਨੂੰਨੀ ਮਾਨਤਾ ਦਵਾਉਣ ਵਿੱਚ ਕਾਮਯਾਬੀ ਹਾਸਿਲ ਕਰ ਲਈ ਹੈ। ਬੀਤੀ ਜਨਵਰੀ ਵਿੱਚ ਚਿਲੀ ਸਰਕਾਰ ਵੱਲੋਂ ਸਿੱਖ ਧਰਮ ਨੂੰ ਕਨੂੰਨੀ ਮਾਨਤਾ ਦੇ ਦਿੱਤੀ ਗਈ ਹੈ।
ਇਸ ਸਬੰਧੀ ਚਿੱਲੀ ਦੀ ਨਾਗਰਿਕ ਸਿੱਖ ਬੀਬੀ ਰੁਪਿੰਦਰ ਕੌਰ ਖਾਲਸਾ ਨੇ ਕਿਹਾ ਕਿ ਇਸ ਕਾਨੂੰਨੀ ਮਾਨਤਾ ਨਾਲ ਚਿੱਲੀ ਵਿੱਚ ਰਹਿੰਦੇ ਸਿੱਖਾਂ ਦੇ ਕਾਰੋਬਾਰ, ਸਿਹਤ ਸਹੂਲਤਾਂ ਅਤੇ ਰਾਜਸੀ ਪ੍ਰਣਾਲੀ ਵਿੱਚ ਹੱਲ ਵੱਧ ਸੁਰੱਖਿਅਤ ਹੋਣਗੇ।ਉਨ੍ਹਾਂ ਇਸ ਨੂੰ ਸਿੱਖਾਂ ਲਈ ਇੱਕ ਬਹੁਤ ਚੰਗੀ ਖਬਰ ਦੱਸਦਿਆਂ ਕਿਹਾ ਕਿ ਇਸ ਨਾਲ ਸਿੱਖਾਂ ਨੂੰ ਇਹ ਵੀ ਹੱਕ ਮਿਲੇਗਾ ਕਿ ਚਿਲੀ ਵਿੱਚ ਉਹ ਇਕੱਠੇ ਹੋ ਕੇ ਕੋਈ ਸਮਾਗਮ ਕਰ ਸਕਣ।
ਅੰਗਰੇਜੀ ਵਿੱਚ ਪੜ੍ਹਨ ਲਈ ਵੇਖੋ: sikhism recognized as a legal religion in chile
ਉਨ੍ਹਾਂ ਦੱਸਿਆ ਕਿ ਇਸ ਕਾਨੂੰਨ ਨੂੰ ਪਾਸ ਕਰਵਾਉਣ ਲਈ 4 ਸਾਲ ਪਹਿਲਾਂ ਕਨੂੰਨੀ ਪ੍ਰਕੀਰਿਆ ਸ਼ੁਰੂ ਕੀਤੀ ਗਈ ਸੀ, ਜਿਸ ਵਿੱਚ ਸਿੱਖ ਪਛਾਣ ਅਤੇ ਸਿੱਖ ਸਿਧਾਂਤਾਂ ਬਾਰੇ ਇੱਕ ਕਨੂੰਨੀ ਦਸਤਾਵੇਜ ਬਣਾਇਆ ਗਿਆ ਸੀ। ਉਸ ਤੋਂ ਬਾਅਦ ਉਹ ਇਸ ਨੂੰ ਸਰਕਾਰ ਦੀ ਮਿਲਣ ਵਾਲੀ ਪ੍ਰਵਾਨਗੀ ਦੀ ਉਡੀਕ ਕਰ ਰਹੇ ਸਨ ਜੋ ਹੁਣ ਖਤਮ ਹੋਈ ਹੈ।
