ਪੇਸ਼ਾਵਰ: ਅਫਗਾਨਿਸਤਾਨ-ਪਾਕਿਸਤਾਨ ਨਾਲ ਲਗਦੇ ਅਫਗਾਨਿਸਤਾਨ ਦੇ ਸੂਬੇ ਨਨਗਰਹਰ ਤੋਂ ਸ਼ੱਕੀ ਜੰਗਜੂਆਂ ਨੇ ਇਕ ਸਿੱਖ ਨੂੰ 30 ਸਤੰਬਰ ਨੂੰ ਘਰੋਂ ਚੁੱਕ ਲਿਆ, ਜਿਸਨੂੰ ਕਿ ਬਾਅਦ ‘ਚ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ।
ਮਾਰੇ ਗਏ ਸਿੱਖ ਦੀ ਪਛਾਣ ਰਾਵੇਲ ਸਿੰਘ ਵਜੋਂ ਹੋਈ ਹੈ ਜੋ ਕਿ ਜ਼ਿਲ੍ਹਾ ਜਲਾਲਾਬਾਦ ਦਾ ਰਹਿਣ ਵਾਲਾ ਸੀ, ਰਾਵੇਲ ਸਿੰਘ ਦਾ ਕਤਲ ਖ਼ਾਲਿਸ ਫਾਮਿਲ ਇਲਾਕੇ ‘ਚ ਹੋਇਆ।
ਮੀਡੀਆ ਦੀਆਂ ਰਿਪੋਰਟਾਂ ਮੁਤਾਬਕ ਘੱਟਗਿਣਤੀ ਸਿੱਖ ਭਾਈਚਾਰੇ ਨੇ ਸੂਬੇ ਦੇ ਗਵਰਨਰ ਦੇ ਘਰ ਦੇ ਸਾਹਮਣੇ ਰਾਵੇਲ ਸਿੰਘ ਦੀ ਲਾਸ਼ ਰੱਖ ਕੇ ਰੋਸ ਪ੍ਰਦਰਸ਼ਨ ਕੀਤਾ ਅਤੇ ਮੰਗ ਕੀਤੀ ਕਿ ਕਾਤਲਾਂ ਨੂੰ ਗ੍ਰਿਫਤਾਰ ਕੀਤਾ ਜਾਵੇ। ਬਾਅਦ ‘ਚ, ਗਵਰਨਰ ਮੁਹੰਮਦ ਹਨੀਫ ਗੜਦੀਵਾਲ ਰੋਸ ਪ੍ਰਦਰਸ਼ਨ ਕਰ ਰਹੇ ਸਿੱਖਾਂ ਨੂੰ ਮਿਲੇ ਉਨ੍ਹਾਂ ਨੂੰ ਸ਼ਾਂਤ ਕੀਤਾ। ਉਨ੍ਹਾਂ ਨੇ ਕਿਹਾ ਕੇਸ ਦਰਜ ਕਰ ਲਿਆ ਗਿਆ ਹੈ ਅਤੇ ਦੋਸ਼ੀਆਂ ਨੂੰ ਲੱਭਿਆ ਜਾ ਰਿਹਾ ਹੈ।
