ਪੇਸ਼ਾਵਰ, ਪਾਕਿਸਤਾਨ (20 ਜਨਵਰੀ, 2016): ਪਾਕਿਸਤਾਨ ਦੀ ਬੱਚਾ ਖਾਨ ਯੂਨੀਵਰਸਿਟੀ ਚਰਸੱਦਾ ‘ਚ 3 ਹਥਿਆਰਬੰਦ ਬੰਦਿਆਂ ਦੇ ਦਾਖਲ ਹੋਣ ਦੀਆਂ ਖ਼ਬਰਾਂ ਆ ਰਹੀਆਂ ਹਨ। ਪਾਕਿਸਤਾਨ ਦੇ ਪੇਸ਼ਾਵਰ ਦੀ ਇਸ ਯੂਨੀਵਰਸਿਟੀ ‘ਚ 3 ਹਜ਼ਾਰ ਤੋਂ ਵੱਧ ਵਿਦਿਆਰਥੀ ਪੜ੍ਹਦੇ ਹਨ।
ਹਥਿਆਰਬੰਦ ਬੰਦਿਆਂ ਵੱਲੋਂ ਕੀਤੀ ਜਾ ਰਹੀ ਗੋਲੀਬਾਰੀ ਵਿੱਚ ਹੁਣ ਤੱਕ 1 ਗਾਰਡ ਦੀ ਮੌਤ ਹੋ ਚੁੱਕੀ ਹੈ ਤੇ 5 ਵਿਦਿਆਰਥੀਆਂ ਦੇ ਜ਼ਖਮੀ ਹੋਣ ਦੀ ਗੱਲ ਕਹੀ ਜਾ ਰਹੀ ਹੈ। ਯੂਨੀਵਰਸਿਟੀ ‘ਚ ਧਮਾਕਿਆਂ ਦੇ ਆਵਾਜ਼ ਸੁਣਾਈ ਦੇ ਰਹੀ ਹੈ। ਪਾਕਿਸਤਾਨੀ ਸੈਨਾ ਯੂਨੀਵਰਸਿਟੀ ‘ਚ ਪਹੁੰਚ ਚੁੱਕੀ ਹੈ। ਪਾਕਿਸਤਾਨ ਸਰਕਾਰ ਨੇ ਪੇਸ਼ਾਵਰ ‘ਚ ਐਮਰਜੈਂਸੀ ਲੱਗਾ ਦਿੱਤੀ ਗਈ ਹੈ।
