ਸਮਰਾਲਾ/ ਲੁਧਿਆਣਾ: ਭਾਈ ਜਗਤਾਰ ਸਿੰਘ ਹਵਾਰਾ ਨੇ ਆਪਣੇ 7 ਪੈਂਡਿੰਗ ਕੇਸਾਂ ਲਈ ਸਮਰਾਲਾ ਅਦਾਲਤ ਵਿਚ ਪਹੁੰਚ ਕੀਤੀ ਹੈ। ਭਾਈ ਹਵਾਰਾ ਦੇ ਵਕੀਲ ਜਸਪਾਲ ਸਿੰਘ ਮੰਝਪੁਰ ਨੇ ਸਿੱਖ ਸਿਆਸਤ ਨਿਊਜ਼ (SSN) ਨੂੰ ਦੱਸਿਆ ਕਿ ਤਿਹਾੜ ਜੇਲ੍ਹ ਪ੍ਰਸ਼ਾਸਨ ਨੇ ਭਾਈ ਹਵਾਰਾ ਨੂੰ ਹਾਲ ਹੀ ਵਿਚ ਦੱਸਿਆ ਕਿ ਕਾਗਜ਼ਾਂ ‘ਚ ਉਨ੍ਹਾਂ ‘ਤੇ ਕਈ ਕੇਸ ਪੈਂਡਿੰਗ ਪਏ ਹਨ।
ਐਡਵੋਕੇਟ ਮੰਝਪੁਰ ਨੇ ਦੱਸਿਆ ਕਿ ਭਾਈ ਹਵਾਰਾ ਨੂੰ ਇਨ੍ਹਾਂ ਕੇਸਾਂ ਵਿਚ ਕਦੇ ਵੀ ਅਦਾਲਤ ਵਿਚ ਪੇਸ਼ ਨਹੀਂ ਕੀਤਾ ਗਿਆ। ਨਵੇਂ ਖੋਜੇ ਗਏ ਕੇਸਾਂ ਵਿਚੋਂ 7 ਥਾਣਾ ਸਮਰਾਲਾ ਦੇ ਹਨ।
ਮਿਲੀ ਜਾਣਕਾਰੀ ਮੁਤਾਬਕ ਭਾਈ ਜਗਤਾਰ ਸਿੰਘ ਹਵਾਰਾ ਦੇ ਵਕੀਲ ਨੇ ਸਮਰਾਲਾ ਦੇ ਸਬ ਡਿਵੀਜ਼ਨਲ ਮੈਜਿਸਟ੍ਰੇਟ ਕੋਲ ਅਰਜ਼ੀ ਦਾਖਲ ਕਰਕੇ ਐਫ.ਆਈ. ਆਰ ਨੰ: 73/2005, 77/2005, 78/2005, 79/2005, 82/2005, 83/2005 ਦਾ ਪਤਾ ਲੱਗਿਆ ਹੈ। ਇਹ ਸਾਰੇ ਕੇਸ ਧਾਰਾ 121 (ਦੇਸ਼ ਦੇ ਖਿਲਾਫ ਜੰਗ ਛੇੜਨਾ), 121-ਏ (ਦੇਸ਼ ਦੇ ਖਿਲਾਫ ਜੰਗ ਦੀ ਸਾਜਿਸ਼ ਕਰਨੀ), 122 (ਦੇਸ਼ ਦੇ ਖਿਲਾਫ ਜੰਗ ਦੀ ਤਿਆਰੀ ਕਰਨੀ), 123 (ਦੇਸ਼ ਖਿਲਾਫ ਜੰਗ ਛੇੜਨ ਦੀ ਸਾਜਿਸ਼ ਲਈ ਸਾਧਨ ਮੁਹੱਈਆ ਕਰਵਾਉਣੇ) ਅਤੇ ਅਸਲਾ ਐਕਟ ਅਤੇ ਧਮਾਕਾਖੇਜ਼ ਸਮੱਗਰੀ ਤਹਿਤ ਦਰਜ ਕੀਤੇ ਗਏ ਹਨ।
ਸਿੱਖ ਸਿਆਸਤ ਨਿਊਜ਼ ਨਾਲ ਗੱਲ ਕਰਦੇ ਹੋਏ ਐਡਵੋਕੇਟ ਜਸਪਾਲ ਸਿੰਘ ਮੰਝਪੁਰ ਨੇ ਕਿਹਾ, “ਸਾਡੀ ਅਰਜ਼ੀ ‘ਤੇ ਅਦਾਲਤ ਨੇ ਸਮਰਾਲਾ ਦੇ ਐਸ.ਐਚ.ਓ. ਤੋਂ ਰਿਪੋਰਟ ਮੰਗੀ ਹੈ।”
ਐਡਵੋਕੇਟ ਮੰਝਪੁਰ ਨੇ ਦੱਸਿਆ ਕਿ ਸਬ ਡਿਵੀਜ਼ਨ ਮਜਿਸਟ੍ਰੇਟ ਨਵਜੋਤ ਸੋਹਲ ਨੇ ਭਾਈ ਜਗਤਾਰ ਸਿੰਘ ਹਵਾਰਾ ਨੂੰ 12 ਸਤੰਬਰ 2005 ਨੂੰ ਪੇਸ਼ ਕਰਨ ਦੀ ਵਾਰੰਟ ਭੇਜੇ ਸਨ ਉਨ੍ਹਾਂ ਭਾਈ ਹਵਾਰਾ ਨੂੰ ਕਦੇ ਵੀ ਇਨ੍ਹਾਂ ਕੇਸਾਂ ‘ਚ ਅਦਾਲਤ ‘ਚ ਪੇਸ਼ ਨਹੀਂ ਕੀਤਾ ਗਿਆ।
ਇਸ ਖ਼ਬਰ ਨੂੰ ਵਿਸਥਾਰ ਸਹਿਤ ਅੰਗ੍ਰੇਜ਼ੀ ਵਿਚ ਪੜ੍ਹਨ ਲਈ:
Bhai Jagtar Singh Hawara Moves to Samrala Court to know Status of 7 Pending Cases …
