December 3, 2020

ਪਿਛਲੇ ਕਈ ਦਿਨਾਂ ਤੋਂ ਕਿਸਾਨ ਮੋਰਚੇ ਦੇ ਚੜ੍ਹਦੀ ਕਲਾ ਵਾਲੇ ਕਾਰਨਾਮਿਆਂ ਨੇ ਦੁਨੀਆ ਭਰ ਦੇ ਪੰਥਕ ਨੌਜਵਾਨਾਂ ਨੂੰ ਇੱਕ ਪੈਗਾਮ ਦਿੱਤਾ ਤੇ ਮੁੜ ਯਾਦ ਕਰਵਾਇਆ ਕਿ ਅਸਲ ਤਾਕਤ ਅਤੇ ਰਾਜਸੀ ਵਾਗਡੋਰ ਹਮੇਸ਼ਾਂ ਸੰਗਤ ਦੇ ਹੀ ਹੱਥ ਵਿੱਚ ਰਹਿੰਦੀ ਹੈ। ਗੱਲ ਸਿਰਫ ਇਨ੍ਹੀ ਕੁ ਹੁੰਦੀ ਹੈ ਕਿ ਸੰਗਤ ਨੇ ਉਸ ਤਾਕਤ ਨੂੰ ਪਛਾਣ ਕੇ ਆਪਣਾ ਭਵਿੱਖ ਆਪਣੇ ਹੱਥੀਂ ਕਦੋਂ ਲੈਣਾ ਹੁੰਦਾ। ਪਿਛਲੇ ਦਿਨਾਂ ਦੇ ਜਾਹੋ ਜਲਾਲ ਨੇ ਪਰਤੱਖ ਰੂਪ ਵਿੱਚ ਇਸ ਤਾਕਤ ਦੇ ਸਿੱਟੇ ਵਿਖਾ ਦਿੱਤੇ। ਜਦੋ ਨੌਜਵਾਨ ਆਪਣੇ ਮਨ ਦੇ ਨਿਰਮੂਲ ਸ਼ੰਕਿਆਂ ਅਤੇ ਜਕੜਨਾਂ ਤੋਂ ਮੁਕਤ ਹੋ ਕੇ ਕਾਫਲੇ ਦਾ ਰੂਪ ਧਾਰਦੇ ਹਨ ਤਾਂ ਪੰਥ-ਪੰਜਾਬ ਦੀ ਸ਼ਕਤੀ ਮੂਹਰੇ ਕੋਈ ਨੀਂ ਖੜ੍ਹ ਸਕਦਾ।।