March 29, 2015

ਅੱਜ ੨੯ ਮਾਰਚ, ਸਿੱਖ ਇੱਤਹਾਸ ਦਾ ਉਹ ਮਨਹੂਸ ਦਿਨ ਹੈ, ਜਦੋਂ ੧੮੪੯ ਵਿੱਚ ਇਸ ਦਿਨ, ਵੱਡੀ ਸ਼ਹਿਨਸ਼ਾਹੀ ਦੀ ਮਾਲਿਕ ਕੌਮ ਬਰਤਾਨਵੀ ਗੁਲਾਮੀ ਵਿੱਚ ਜੱਕੜ ਦਿੱਤੀ ਗਈ ਸੀ । ਜਿਹੜੀ ਗੁਲਾਮੀ ਅਸੀਂ ਅੱਜ ਭੋਗ ਰਹੇ ਹਾਂ, ਇਹ ਇੱਕ ਤੋਂ ਬਾਦ ਦੂਜੀ ਗੁਲਾਮੀ ਹੈ, ਬਰਤਾਨਵੀ ਸਾਮਰਾਜ ਤੋਂ ਬਾਦ ਦਿੱਲੀ ਦੇ ਹਿੰਦੁਤੱਵੀ ਸਾਮਰਾਜ ਦੀ ਗੁਲਾਮੀ ਹੈ । ਅੱਜ ਜਦੋਂ ਮੈਂ ਇਸ ਦਿਨ ਬਾਰੇ ਕੁੱਝ ਲਿਖਣ ਲਈ ਸੋਚ ਰਿਹਾ ਸਾਂ, ਤਾਂ ਮੈਨੂੰ ਜੇਲ੍ਹ ਦੇ ਦਿਨ੍ਹਾਂ ਵਿੱਚ ਲਿਖਿਆ ਆਪਣਾ ਹੀ ਇੱਕ ਲੇਖ ਯਾਦ ਆ ਗਿਆ, ਜੋ ਉਸ ਵੇਲੇ ਕਈ ਰਸਾਲਿਆਂ ਵਿੱਚ ਛਪਿਆ ਸੀ ।