ਚੰਡੀਗੜ੍ਹ: ਬੀਤੇ ਕੱਲ ਨਿਊਜ਼ੀਲੈਂਡ ਦੇ ਕਰਾਈਸਟਚਰਚ ਸ਼ਹਿਰ ਵਿਚ ਇਕ ਨਸਲਵਾਦੀ ਵਲੋਂ ਦੋ ਮਸਜਿਦਾਂ ਵਿਚ ਚਲਾਈਆਂ ਗਈਆਂ ਗੋਲੀਆਂ ਕਾਰਨ ਹੁਣ ਤੱਕ 49 ਲੋਕਾਂ ਦੇ ਮਾਰੇ ਜਾਣ ਅਤੇ ਕਈ ਹੋਰਾਂ ਦੇ ਜਖਮੀ ਹੋਣ ਦੀਆਂ ਖਬਰਾਂ ਹਨ। ਪੂਰੀ ਦੁਨੀਆ ਵਿਚ ਇਸ ਕਾਰੇ ਦੀ ਅਤੇ ਇਸ ਪਿਛੇ ਕੰਮ ਕਰਦੀ ਨਫਰਤ ਭਰੀ ਮਾਨਸਿਕਤਾ ਦੀ ਨਿਖੇਧੀ ਹੋ ਰਹੀ ਹੈ। ਪਰ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਨਵੇਂ ਬਣੇ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਨੇ ਇਸ ਘਟਨਾ ਲਈ ਮੁਸਲਮਾਨਾਂ ਦੇ ਪਰਵਾਸ ਨੂੰ ਜ਼ਿੰਮੇਵਾਰ ਠਹਿਰਾਉਂਦੇ ਇਕ ਬਿਆਨ ਦੀ ਪ੍ਰੋੜਤਾ ਕੀਤੀ ਹੈ ਜਿਸ ਕਾਰਨ ਉਸ ਨੂੰ ਸਿੱਖਾਂ ਵਲੋਂ ਨਿਖੇਧੀ ਤੇ ਫਿਟਕਾਰਾਂ ਦਾ ਸਾਹਮਣਾ ਕਰਨ ਪੈ ਰਿਹਾ ਹੈ।
ਅਸਲ ਵਿਚ ਮਨਜਿੰਦਰ ਸਿੰਘ ਸਿਰਸਾ ਨੇ ਆਸਟ੍ਰੇਲੀਆ ਦੇ ਕਿਊਨਜ਼ਲੈਂਡ ਸੂਬੇ ਦੇ ਸੈਨੇਟਰ ਫਰੇਜ਼ਰ ਐਨਿੰਗ ਵਲੋਂ ਜਾਰੀ ਕੀਤਾ ਗਿਆ ਇਕ ਬਿਆਨ ਟਵਿਟਰ ਉੱਤੇ ਸਾਂਝਾ ਕੀਤਾ ਸੀ ਜਿਸ ਵਿਚ ਸੈਨੇਟਰ ਨੇ ਕਰਾਈਸਟਚਰਚ ਵਿਚ ਹੋਏ ਕਤਲੇਆਮ ਪਿੱਛੇ ਨਿਊਜ਼ੀਲੈਂਡ ਅਤੇ ਆਸਟ੍ਰੇਲੀਆ ਵਿਚ ਮੁਸਲਮਾਨਾਂ ਦੇ ਪਰਵਾਸ ਕਾਰਨ ਵਧ ਰਹੇ ਕਥਿਤ ਡਰ ਨੂੰ ਜ਼ਿੰਮੇਵਾਰ ਠਹਿਰਾਇਆ ਸੀ।
ਇਸ ਵਿਵਾਦਤ ਬਿਆਨ ਦੀ ਨਕਲ ਅੱਗੇ ਸਾਂਝੀ ਕਰਦਿਆਂ ਮਨਜਿੰਦਰ ਸਿੰਘ ਸਿਰਸਾ ਨੇ ਟਵਿਟਰ ਉੱਤੇ ਲਿਿਖਆ ਕਿ “ਇਸ ਨਾਲ ਜਿਹਾਦੀ ਮਾਨਸਿਕਤਾ ਵਾਲੇ ਉਨ੍ਹਾਂ ਸਾਰੇ ਲੋਕਾਂ ਨੂੰ ਸ਼ਰਮ ਆਉਣੀ ਜਾਹੀਦੀ ਹੈ ਜਿਨ੍ਹਾਂ ਦੀ ਕੱਟੜ ਤੇ ਹਿੰਸਕ ਸੋਚ ਕਾਰਨ ਉਨ੍ਹਾਂ ਦੇ ਧਰਮ ਨੂੰ ਉੱਤੇ “ਫਾਸ਼ੀਵਾਦ” ਦੀ ਫੀਤੀ ਲੱਗੀ ਹੈ। ਕਿਊਨਜ਼ਲੈਂਡ ਦੇ ਸੈਨੇਟਰ ਫਰੇਜ਼ਰ ਐਨਿੰਗ ਨੇ ਨਿਧੜਕ ਪੱਖ ਲਿਆ ਹੈ। ਮੈਨੂੰ ਉਮੀਦ ਹੈ ਕਿ ਦੁਨੀਆ ਦਾ ਖਬਰਖਾਨਾ ਉਸ ਉੱਤੇ ਖਲਾਨਾਇਕ ਦੀ ਫੀਤੀ ਲਾ ਕੇ ਜਿਹਾਦੀਆਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਨਹੀਂ ਕਰੇਗਾ”। (ਮੂਲ ਅੰਗਰੇਜ਼ੀ ਤੋਂ ਪੰਜਾਬ ਵਿਚ ਉਲੱਥਾ)।
ਮਨਜਿੰਦਰ ਸਿੰਘ ਸਿਰਸਾ ਦੀ ਉਕਤ ਟਿੱਪਣੀ ਦੀ ਨਿਖੇਧੀ ਕਰਦਿਆਂ ਚੜ੍ਹਦੀਕਲਾ ਤੇ ਅਕਾਲ ਗਾਰਡੀਅਨ ਅਖਬਾਰਾਂ ਦੇ ਸੰਪਾਦਕ ਗੁਰਪ੍ਰੀਤ ਸਿੰਘ ਸਹੋਤਾ ਨੇ ਮਨਜਿੰਦਰ ਸਿੰਘ ਸਿਰਸਾ ਦੀ ਟਵੀਟ ਦੇ ਹਵਾਲੇ ਨਾਲ ਕਿਹਾ: “ਬੜੀ ਸ਼ਰਮ ਵਾਲੀ ਗੱਲ ਹੈ! ਜਦੋਂ ਅਮਰੀਕਾ ਦੇ ਓਕ ਕਰੀਕ ਵਿਚ ਇਕ ਨਸਲਵਾਦੀ ਗੋਰੇ ਨੇ ਇੰਝ ਹੀ ਛੇ ਸਿੱਖਾਂ ਦਾ ਕਤਲੇਆਮ ਕੀਤਾ ਸੀ ਤਾਂ ਅਸੀਂ ਸਾਰੇ ਕੁਰਲਾਅ ਰਹੇ ਸਾਂ। ਦਿ.ਸਿ.ਗੁ.ਪ੍ਰ.ਕ. ਦਾ ਨਵਾਂ ਪ੍ਰਧਾਨ ਐਹੋ ਜਿਹਾ ਜੇ। ਹਾਏ ਰੱਬਾ।”(ਮੂਲ ਅੰਗਰੇਜ਼ੀ ਤੋਂ ਪੰਜਾਬੀ ਵਿਚ ਉਲੱਥਾ)।
What a shame!
We all were crying when a white supremacist killed six Sikhs in Oak Creek USA same way. He’s the new president of DSGMC. OMG https://t.co/kKVpN0F86w— Gurpreet S. Sahota (@GurpreetSSahota) March 15, 2019
ਮਨਜਿੰਦਰ ਸਿੰਘ ਸਿਰਸਾ ਦੀ ਟਵੀਟ ਦੇ ਜਵਾਬ ਵਿਚ ਕਈ ਲੋਕਾਂ ਵਲੋਂ ਉਸ ਦੀ ਪਹੁੰਚ ਤੇ ਬਿਆਨ ਦੀ ਕਰੜੇ ਸ਼ਬਦਾਂ ਵਿਚ ਨਿਖੇਧੀ ਕੀਤੀ ਜਾ ਰਹੀ ਹੈ ਤੇ ਇਸ ਨੂੰ ਸਿੱਖੀ ਵਿਰੋਧੀ ਦੱਸਿਆ ਜਾ ਰਿਹਾ ਹੈ।
Your idea is not able to lead the Sikhs, it is understood that no one Sikh has liked this tweet.
— 🇨🇦 Gurvir Singh Bhullar 🇨🇦 (@GurvirBhullar) March 15, 2019
Fascism is the deliberate creation of an enemy that does not exist. Fascists hope they are not labelled a villain. They always will be.
— Graeme Ford (@HugoInterpreter) March 15, 2019
You should be shame of yourself by giving this such statement ..Mr Sirsa you can do anything to keep your Hakams ( BJP) happy .
— Kulbir Singh (@KulbirS14512564) March 15, 2019
You have bought shame to Us by your comments Sirsa ji, shame shame shame !!! You can never be Guru Gobind Singh Saheb’s true Sikh , who celebrates murder of innocents.
— Navroop singh (@theregulaarguy) March 15, 2019
ਇਕ ਟਵਿਟਰ ਵਰਤੋਂਕਾਰ ਨੇ ਕਿਹਾ: “ਜਦੋਂ ਇੰਦਰਾ ਗਾਂਧੀ ਨੇ ਦਰਬਾਰ ਸਾਹਿਬ ਉੱਤੇ ਹਮਲਾ ਕੀਤਾ ਸੀ ਤਾਂ ਇਹ ਕੀ ਸੀ? ਤੁਹਾਡੇ ਜਿਹੇ ਲਾਲਚੀ ਸਿਆਸਤਦਾਨਾਂ ਲਈ ਸ਼ਰਮ ਵੀ ਪੋਲਾ ਸ਼ਬਦ ਹੈ। ਸਿੱਖ ਇਵੇਂ ਦਾ ਵਿਕਾਊ ਮਾਲ ਨਹੀਂ ਹਨ ਜਿਵੇਂ ਕਿ ਤੁਸੀਂ ਲੋਕ (ਸਿੱਖਾਂ ਨੂੰ) ਵੋਟਾਂ ਖਾਤਰ ਵੇਚਣ ਲਈ ਪੱਬਾਂ ਭਾਰ ਹੋਏ ਪਏ ਓ ਅਤੇ ਜਿਥੇ ਮੁਸਲਮਾਨ ਹੀ ਪੀੜਤ ਹਨ ਓਥੇ ਜਿਹਾਦ ਨੂੰ ਦੋਸ਼ ਦੇ ਰਹੇ ਓ”। (ਮੂਲ ਅੰਗਰੇਜ਼ੀ ਤੋਂ ਪੰਜਾਬੀ ਵਿਚ ਉਲੱਥਾ)।
What was that Indra Ghandi did to Golden Temple ?
Shame is a lesser word for a greedy politicians like you….Sikhs aren’t so easily sellable commodity as you’re dying for votes and blaming Jihad where Muslims are victims.— Mullick (@alkeimist) March 15, 2019
ਜਦੋਂ ਇਕ ਹੋਰ ਟਵਿਟਰ ਵਰਤੋਂਕਾਰ ਨੇ ਸਿਰਸਾ ਦੀ ਟਵੀਟ ਦੇ ਜਵਾਬ ਵਿਚ ਕਿਹਾ ਕਿ: “ਤੈਨੂੰ ਕੀ ਹੋ ਗਿਆ ਏ? ਤੈਨੂੰ ਇੰਝ ਨਹੀਂ ਕਰਨਾ ਚਾਹੀਦਾ। ਮੈਨੂੰ ਉਮੀਦ ਹੈ ਕਿ ਤੈਨੂੰ ਅਹਿਸਾਸ ਹੈ ਕਿ ਇਹ ਉਹੀ ਨਸਲਵਾਦੀ ਗੋਰੇ ਹਨ ਜਿਨ੍ਹਾਂ 2012 ਵਿਚ ਅਮਰੀਕਾ ਦੇ ਵਿਸਕਾਨਸਨ ਵਿਚਲੇ ਗੁਰਦੁਆਰਾ ਸਾਹਿਬ ਉੱਤੇ ਹਮਲਾ ਕਰਕੇ 6 ਸਿੱਖਾਂ ਨੂੰ ਮਾਰਿਆ ਸੀ” (ਮੂਲ ਅੰਗਰੇਜ਼ੀ ਤੋਂ ਪੰਜਾਬੀ ਵਿਚ ਉਲੱਥਾ) ਤਾਂ ਮਨਜਿੰਦਰ ਸਿੰਘ ਸਿਰਸਾ ਨੇ ਸਫਾਈ ਦਿੱਤੀ ਕਿ: “ਕਿਰਪਾ ਕਰਕੇ ਧਿਆਨ ਨਾਲ ਪੜ੍ਹੋ। ਮੈਂ ਜਿਹਾਦ ਦੇ ਖਿਲਾਫ ਬੋਲਿਆ ਹਾਂ, ਕਿਸੇ ਖਾਸ ਧਰਮ ਬਾਰੇ ਕੁਝ ਨਹੀਂ ਕਿਹਾ”।
Pls read carefully. I have spoken against Jihad; not a religion in particular
— Manjinder S Sirsa (@mssirsa) March 15, 2019
ਇਥੇ ਇਹ ਗੱਲ ਦੱਸ ਦੇਈਏ ਕਿ ਜਿਥੇ ਇਕ ਬੰਨੇ ਮਨਜਿੰਦਰ ਸਿੰਘ ਸਿਰਸਾ ਆਸਟ੍ਰੇਲੀਆ ਦੀ ਸੈਨੇਟਰ ਦੇ ਵਿਵਾਦਤ ਬਿਆਨ ਦੀ ਪ੍ਰੋੜਤਾ ਅਤੇ ਪ੍ਰਚਾਰ ਕਰ ਰਿਹਾ ਹੈ ਓਥੇ ਦੂਜੇ ਬੰਨੇ ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਨੇ ਇਸ ਬਿਆਨ ਦੀ ਸਖਤ ਨਿਖੇਧੀ ਕੀਤੀ ਹੈ। ਇਸ ਵਿਵਾਦਤ ਬਿਆਨ ਦੇ ਹਵਾਲੇ ਨਾਲ ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਸਕੌਟ ਮੌਰੀਸਨ ਨੇ ਕਿਹਾ ਕਿ “ਸੈਨੇਟਰ ਫਰੇਜ਼ਰ ਐਨਿੰਗ ਨੇ ਇਕ ਸੱਜੇ-ਪੱਖੀ ਹਿੰਸਕ ਦਹਿਸ਼ਤਗਰਦ ਵਲੋਂ ਨਿਊਜ਼ੀਲੈਂਡ ਵਿਚ ਕੀਤੇ ਗਏ ਕਾਤਲਾਨਾ ਹਮਲੇ ਦਾ ਦੋਸ਼ ਨਿਊਜ਼ੀਲੈਂਡ ਵਿਚ ਹੋ ਰਹੇ ਪਰਵਾਸ ਸਿਰ ਮੜ੍ਹਨ ਵਾਲਾ ਜੋ ਬਿਆਨ ਦਿੱਤਾ ਹੈ ਉਹ ਵਾਹਿਯਾਤ ਹੈ। ਆਸਟ੍ਰੇਲੀਆ ਦੀ ਪਾਰਲੀਮੈਂਟ ਦੀ ਗੱਲ ਤਾਂ ਇਕ ਪਾਸੇ ਰਹੀ, ਅਜਿਹੇ ਵਿਚਾਰਾਂ ਦੀ ਆਸਟ੍ਰੇਲੀਆ ਵਿਚ ਵੀ ਕੋਈ ਥਾਂ ਨਹੀਂ ਹੈ”। (ਮੂਲ ਅੰਗਰੇਜ਼ੀ ਤੋਂ ਪੰਜਾਬੀ ਵਿਚ ਉਲੱਥਾ)।
The remarks by Senator Fraser Anning blaming the murderous attacks by a violent, right-wing, extremist terrorist in New Zealand on immigration are disgusting. Those views have no place in Australia, let alone the Australian Parliament.
— Scott Morrison (@ScottMorrisonMP) March 15, 2019
