ਰੋਜਾਨਾ ਖਬਰ-ਸਾਰ

• ਗੱਲਬਾਤ ਦਾ ਚੋਗਾ • ਗੱਲਬਾਤ ਕਰਾਂਗੇ ਪਰ ਸਿਰਫ ਆਜ਼ਾਦੀ ਲਈ • ਭਗਵੀ ਭਾਰਤ ਮਾਤਾ • ਦਿੱਲੀ ਚੋਣਾਂ (ਭਾਰਤੀ ਉਪਮਹਾਂਦੀਪ ਦਾ ਖਬਰਸਾਰ)

January 30, 2020 | By ਸਿੱਖ ਸਿਆਸਤ ਬਿਊਰੋ

ਅੱਜ ਦੀ ਖਬਰਸਾਰ | 30 ਜਨਵਰੀ 2020 (ਦਿਨ ਵੀਰਵਾਰ)

ਖਬਰਾਂ ਭਾਰਤੀ ਉਪਮਹਾਂਦੀਪ ਦੀਆਂ:

ਗੱਲਬਾਤ ਦਾ ਚੋਗਾ ਪਾਉਣ ਦੀ ਕੋਸ਼ਿਸ਼:
• ਦਿੱਲੀ ਦਰਬਾਰ ਅਸਾਮ ਦੀ ਖਾੜਕੂ ਜਥੇਬੰਦੀ ‘ਉਲਫਾ (ਆਈ)’ ਨਾਲ ਗੱਲਬਾਤ ਕਰਨ ਲਈ ਤਿਆਰ।
• ਅਸਾਮ ਦੇ ਸਿੱਖਿਆ ਮੰਤਰੀ ਹਿਮੰਤਾ ਬਿਸਵਾ ਸਰਮਾ ਨੇ ਇਸ ਬਾਰੇ ਬਿਆਨ ਦਿੱਤਾ।

 

• ਕਿਹਾ ਅਸੀਂ “ਯੂਨਾਈਟਿਡ ਲਿਬਰੇਸ਼ਨ ਫਰੰਟ ਆਫ ਆਸਾਮ (ਇੰਡੀਪੈਂਡੈਂਟ) [ਉਲਫਾ-ਆਈ] ਦੇ ਆਗੂ ਪਰੇਸ਼ ਬਰੂਆ ਨੂੰ ਗੱਲਬਾਤ ਕਰਨ ਲਈ ਅਪੀਲ ਕਰਦੇ ਹਾਂ।

• ਕਿਹਾ ਉੱਤਰ-ਪੂਰਬ ਵਿੱਚ ਪੱਕੀ ਸ਼ਾਂਤੀ ਬਣਾ ਕੇ ਰੱਖਣ ਲਈ ਉਲਫਾ (ਆਈ) ਦਾ ਗੱਲਬਾਤ ਵਿੱਚ ਸ਼ਾਮਿਲ ਹੋਣਾ ਜ਼ਰੂਰੀ ਹੈ।
• ਬਿਸਵਾ ਨੇ ਕਿਹਾ ਕਿ ‘ਮੈਂ ਆਸਾਮ ਦੀ ਜਨਤਾ ਨੂੰ ਵੀ ਅਪੀਲ ਕਰਦਾ ਹਾਂ ਕਿ ਉਹ ਉਲਫ਼ਾ ਨੂੰ ਗੱਲਬਾਤ ਕਰਨ ਲਈ ਬੇਨਤੀ ਕਰਨ’।
• ਸਿੱਖਿਆ ਮੰਤਰੀ ਨੇ ਕਿਹਾ ਕਿ ਅਰਬਿੰਦ ਰਾਜਖੋਵਾ ਵਾਲਾ ਧੜਾ ਤਾਂ ਪਹਿਲਾਂ ਹੀ ਕੇਂਦਰ ਨਾਲ ਗੱਲਬਾਤ ਵਿੱਚ ਸ਼ਾਮਲ ਹੈ।
• ਕਿਹਾ ਪਰ ਜ਼ਰੂਰੀ ਹੈ ਕਿ ਪਰੇਸ਼ ਬਰੂਆ ਦਾ ਉਲਫਾ (ਆਈ) ਵੀ ਗੱਲਬਾਤ ਲਈ ਮੇਜ਼ ਉੱਪਰ ਆਵੇ।

---

ਗੱਲਬਾਤ ਕਰਾਂਗੇ ਪਰ ਪ੍ਰਭੂਸੱਤਾ ਦੇ ਲਈ: ਉਲਫਾ (ਆਈ):
• ਉਲਫਾ(ਆਈ) ਕੇਂਦਰ ਨਾਲ ਗੱਲਬਾਤ ਵਿੱਚ ਤਦ ਹੀ ਸ਼ਾਮਿਲ ਹੋਵੇਗਾ ਜਦ ਪ੍ਰਭੂਸੱਤਾ ਗੱਲਬਾਤ ਦਾ ਮੁੱਖ ਸਰੋਕਾਰ ਹੋਵੇਗਾ।
• ਉਲਫਾ (ਆਈ) ਦੇ ਪ੍ਰਮੁੱਖ ਪਰੇਸ਼ ਬਰੂਆ ਦਾ ਬਿਆਨ।
• ਕਿਹਾ ਅਸੀਂ ਕੇਵਲ ਰਸਮੀ ਤੌਰ ਤੇ ਹੋਣ ਵਾਲੀ ਗੱਲਬਾਤ ਵਿੱਚ ਸ਼ਾਮਲ ਨਹੀਂ ਹੋਵਾਂਗੇ।
• ਕਿਹਾ ਜੇ ਵਿਸ਼ਵਾਸ ਦੇ ਮਾਹੌਲ ਵਿੱਚ ਗੱਲਬਾਤ ਹੋਵੇਗੀ ਅਤੇ ਪ੍ਰਭੂਸੱਤਾ ਇਕੋ-ਇਕ ਏਜੰਡਾ ਹੋਵੇਗਾ ਤਾਂ ਹੀ ਅਸੀਂ ਗੱਲਬਾਤ ਕਰਾਂਗੇ।
• ਕਿਹਾ ਅਸੀਂ ਪ੍ਰਭੂ ਸੱਤਾ ਮੰਗ ਰਹੇ ਹਾਂ ਅਤੇ ਇਹੀ ਸਾਡਾ ਏਜੰਡਾ ਹੈ ਅਤੇ ਮੇਜ਼ ਉੱਪਰ ਵੀ ਇਹੀ ਗੱਲਬਾਤ ਹੋਵੇਗੀ।

• ਕਿਹਾ ਕਿ ਗੱਲਬਾਤ ਲਈ ਦਿੱਲੀ ਜਾਣ ਦੀ ਲੋੜ ਨਹੀਂ ਗੱਲਬਾਤ ਅਸਾਮ ਵਿੱਚ ਹੀ ਹੋਵੇਗੀ।
• ਬਰੂਆ ਨੇ ਕਿਹਾ ਕਿ ਨੈਸ਼ਨਲ ਡੈਮੋਕ੍ਰੇਟਿਕ ਫਰੰਟ ਆਫ ਬੋਡੋਲੈਂਡ (ਐੱਨ.ਡੀ.ਐੱਫ.ਬੀ.) ਦਾ ਮੁੱਖ ਏਜੰਡਾ ਇੱਕ ਅੱਡ ਸੂਬੇ ਦਾ ਨਿਰਮਾਣ ਸੀ।
• ਕਿਹਾ ਜਦ ਕਿ ਉਲਫਾ ਦਾ ਟੀਚਾ ਪ੍ਰਭੂਸੱਤਾ ਦਾ ਹੈ।

• ਕਿਹਾ ਕਿ ਇਸ ਲਈ ਇਨ੍ਹਾਂ ਦੋਹਾਂ ਦੀਆਂ ਮੰਗਾਂ ਨੂੰ ਇਕੋ ਸੰਦਰਭ ਵਿੱਚ ਨਹੀਂ ਵੇਖਿਆ ਜਾ ਸਕਦਾ।
• ਕਿਹਾ ਸਰਕਾਰ ਨੂੰ ਹਮੇਸ਼ਾਂ ਇਮਾਨਦਾਰ ਹੋਣਾ ਚਾਹੀਦਾ ਹੈ ਕਿਉਂਕਿ ਅਸੀਂ ਹਮੇਸ਼ਾ ਸਕਾਰਾਤਮਕ ਹੀ ਹੁੰਦੇ ਹਾਂ।
• ਪਰ ਸਰਕਾਰ ਦੇ ਉਦੇਸ਼ਾਂ ਪ੍ਰਤੀ ਅਸੀਂ ਸ਼ੱਕ ਜ਼ਰੂਰ ਰੱਖਦੇ ਹਾਂ।
• ਪਰੇਸ਼ ਬਰੂਆ ਨੇ ਕਿਹਾ ਕਿ ਜੇ ਸਰਕਾਰ ਨਾਲ ਗੱਲਬਾਤ ਪ੍ਰਭੂਸੱਤਾ ਵਾਲੇ ਆਜ਼ਾਦ ਅਸਾਮ ਬਾਰੇ ਕਿਸੇ ਸਿੱਟੇ’ ਤੇ ਪਹੁੰਚਦੀ ਹੈ ਤਾਂ ਅਸੀਂ ਨਿਸ਼ਚਤ ਤੌਰ ‘ਤੇ ਅਜਿਹੇ ਸਮਝੌਤੇ’ ਤੇ ਦਸਤਖਤ ਕਰਾਂਗੇ।

---

ਭਗਵੀ ‘ਭਾਰਤ ਮਾਤਾ’:
• ਤੁਹਾਡੀ ਇੱਕ ਵੋਟ ਤੈਅ ਕਰੇਗਾ ਕਿ ਤੁਸੀਂ ਸ਼ਾਹੀਨ ਬਾਗ ਦੇ ਨਾਲ ਹੋ ਜਾਂ ਭਾਰਤ ਮਾਤਾ ਦੇ ਨਾਲ।

• ਦਿੱਲੀ ਦਰਬਾਰ ਦੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਦਿਤਾ ਦਿੱਲੀ ਦੇ ਵੋਟਰਾਂ ਨੂੰ ਫੁਟਪਾਊ ਸੱਦਾ।
• ਕਿਹਾ 8 ਫਰਵਰੀ ਨੂੰ ਤੁਹਾਡੀ ਇਕ ਵੋਟ ਇਹ ਸੰਦੇਸ਼ ਦੇਵੇਗੀ ਕਿ ‘ਭਾਰਤ ਦੇਸ਼’ ਹੁਣ ਕਿਸ ਰਸਤੇ ਉੱਪਰ ਚੱਲੇਗਾ।
• ਅਮਿਤ ਸ਼ਾਹ ਨੇ ਦਿੱਲੀ ਦੇ ਨਜ਼ਫਗੜ੍ਹ ਵਿੱਚ ਇੱਕ ਰੈਲੀ ਨੂੰ ਸੰਬੋਧਨ ਕਰ ਰਿਹਾ ਸੀ।

---

ਜੇ.ਐਨ.ਯੂ ਦੇ ਵਿਦਿਆਰਥੀ ਦਾ ਪੁਲਿਸ:
• ਜੇ.ਐਨ.ਯੂ ਦੇ ਵਿਦਿਆਰਥੀ ਸ਼ਰਜੀਲ ਇਮਾਮ ਨੂੰ 5 ਦਿਨ ਦੇ ਪੁਲਿਸ ਰਿਮਾਂਡ ਉੱਤੇ ਭੇਜਿਆ ਗਿਆ।

• ਦਿੱਲੀ ਪੁਲਿਸ ਦੇ ਕਰਾਇਮ ਬ੍ਰਾਂਚ ਨੇ ਸ਼ਰਜੀਲ ਨੂੰ ਸਾਕੇਤ ਕੋਰਟ ਵਿੱਚ ਪੇਸ਼ ਕੀਤਾ।
• ਸ਼ਰਜੀਲ ਇਮਾਮ ਉੱਪਰ ਦੇਸ਼ ਧ੍ਰੋਹ ਦੇ ਕੇਸ ਦਰਜ ਕੀਤੇ ਗਏ ਹਨ।

---

2002 ਗੁਜਰਾਤ ਕਤਲੇਆਮ ਮਾਮਲਾ :

• ਗੁਜਰਾਤ ਕਤਲੇਆਮ (2002) ਦੇ 17 ਦੋਸ਼ੀਆਂ ਨੂੰ ਭਾਰਤੀ ਸੁਪਰੀਮ ਕੋਰਟ ਨੇ ਜ਼ਮਾਨਤ ਦਿੱਤੀ।
• ਜਮਾਨਤ ਦੇਣ ਦਾ ਫੈਸਲਾ 28 ਜਨਵਰੀ ਨੂੰ ਆਇਆ ਸੀ।
• ਇਹ ਜਮਾਨਤ ਸਰਦਾਰਪੁਰਾ ਵਿੱਚ ਹੋਏ ਕਤਲੇਆਮ ਦੇ ਮਾਮਲੇ ਵਿੱਚ ਦਿੱਤੀ ਹੈ।
• ਕਤਲੇਆਮ ਦੀ ਇਸ ਘਟਨਾ ਵਿੱਚ 33 ਮੁਸਲਮਾਨਾਂ ਨੂੰ ਜਿਊਂਦੇ ਸਾੜ ਦਿੱਤਾ ਗਿਆ ਸੀ।

• ਇਹ ਜ਼ਮਾਨਤ ਭਾਰਤੀ ਸੁਪਰੀਮ ਕੋਰਟ ਦੇ ਚੀਫ ਜਸਟਿਸ ਵਾਲੇ ਬੈਂਚ ਨੇ ਦਿੱਤੀ ਹੈ।
• ਭਾਰਤੀ ਸੁਪਰੀਮ ਕੋਰਟ ਨੇ ਦੋਸ਼ੀਆਂ ਨੂੰ ਦੋ ਧੜਿਆਂ ‘ਚ ਵੰਡਿਆ।
• ਦੋਹਾਂ ਧੜਿਆਂ ਨੂੰ ਵੱਖ-ਵੱਖ ਥਾਵਾਂ ਉੱਪਰ ਸਮਾਜ ਸੇਵਾ ਕਰਨ ਦੀ ਹਦਾਇਤ ਦਿੱਤੀ।
• ਦੋਵੇਂ ਧੜੇ ਗੁਜਰਾਤ ਦੀ ਬਜਾਏ ਮੱਧ ਪ੍ਰਦੇਸ਼ ਦੇ ਇੰਦੌਰ ਅਤੇ ਜੱਬਲਪੁਰ ਵਿਖੇ ਰਹਿਣਗੇ।

---

ਬੀਬੀਆਂ ਵੀ ਮਸੀਤ ਵਿਚ ਨਮਾਜ਼ ਅਦਾ ਕਰ ਸਕਦੀਆਂ ਹਨ:
• ਮੁਸਲਿਮ ਬੀਬੀਆਂ ਨੂੰ ਮਸਜਿਦ ਵਿੱਚ ਨਮਾਜ਼ ਅਦਾ ਕਰਨ ਦੀ ਇਜਾਜ਼ਤ ਹੈ।

• ਕਿਹਾ ਆਲ ਇੰਡੀਆ ਮੁਸਲਿਮ ਪਰਸਨਲ ਲਾਅ ਬੋਰਡ ਨੇ।
• ਲਾਅ ਬੋਰਡ ਨੇ ਇਹ ਗੱਲ ਇੱਕ ਪਟੀਸ਼ਨ ਦੀ ਸੁਣਵਾਈ ਦੌਰਾਨ ਨੂੰ ਭਾਰਤੀ ਸੁਪਰੀਮ ਕੋਰਟ ਨੂੰ ਕਹੀ।
• ਇਹ ਪਟੀਸ਼ਨ ਜਾਸਮੀਨ ਜੁਬੇਰ ਅਹਿਮਦ ਪੀਰਯਾਦਾ ਨਾਂ ਦੇ ਇੱਕ ਵਿਅਕਤੀ ਨੇ ਪਾਈ ਸੀ।
• ਪਟੀਸ਼ਨ ਕਰਤਾ ਨੇ ਕਿਹਾ ਸੀ ਕਿ ਮੁਸਲਿਮ ਔਰਤਾਂ ਨੂੰ ਮਸਜਿਦ ਵਿੱਚ ਜਾਣ ਦੀ ਇਜਾਜ਼ਤ ਬਾਰੇ ਭਾਰਤੀ ਸੁਪਰੀਮ ਕੋਰਟ ਦਖਲ ਦੇਵੇ।
• ਇਸ ਪਟੀਸ਼ਨ ਉੱਤੇ ਭਾਰਤੀ ਚੀਫ ਜਸਟਿਸ ਦੀ ਪ੍ਰਧਾਨਗੀ ਹੇਠ ਨੌਂ ਜੱਜਾਂ ਦੀ ਬੈਂਚ ਸੁਣਵਾਈ ਕਰ ਰਹੀ ਹੈ।

---

 

ਨਾ.ਸੋ.ਕਾ. ਵਿਰੁੱਧ ਵਿਖਾਵੇ ਦੌਰਾਨ ਦੋ ਮੌਤਾਂ:
• ਪੱਛਮੀ ਬੰਗਾਲ ਵਿੱਚ ਨਾਗਰਿਕਤਾ ਸੋਧ ਕਾਨੂੰਨ ਦੇ ਵਿਰੁੱਧ ਰੋਹ ਵਿਖਾਵੇ ਦੌਰਾਨ 2 ਦੀ ਮੌਤ
• ਰੋਸ ਵਿਖਾਵੇ ਦੌਰਾਨ ਦੋ ਧੜਿਆਂ ਵਿੱਚ ਹੋਈਆਂ ਝੜਪਾਂ
• ਝੜਪਾਂ ਦੌਰਾਨ ਦੇਸੀ ਬੰਬ ਸੁੱਟੇ ਅਤੇ ਗੋਲੀਆਂ ਵੀ ਚਲਾਈਆਂ ਗਈਆਂ
• ਇਨ੍ਹਾਂ ਝੜਪਾਂ ਦੌਰਾਨ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ

• ਇਹ ਘਟਨਾ ਪੱਛਮੀ ਬੰਗਾਲ ਦੇ ਮੁਰਸ਼ਿਦਾਬਾਦ ਜ਼ਿਲ੍ਹੇ ਵਿੱਚ ਵਾਪਰੀ
• ਇਸ ਦੌਰਾਨ ਕੋਲਕਾਤਾ ਦੇ ਪਾਰਕ ਸਰਕਸ ਮੈਦਾਨ ਵਿੱਚ ਮੁਸਲਿਮ ਔਰਤਾਂ ਵੱਲੋਂ ਧਰਨਾ ਜਾਰੀ ਹੈ

• ਇਸ ਮੈਦਾਨ ਨੂੰ ਹੁਣ “ਕੋਲਕਾਤਾ ਦਾ ਸ਼ਾਹੀਨ ਬਾਗ” ਕਿਹਾ ਜਾਣ ਲੱਗ ਪਿਆ ਹੈ
• ਮੁਸਲਿਮ ਔਰਤਾਂ ਵੱਲੋਂ ਇਹ ਧਰਨਾ 23 ਦਿਨਾਂ ਤੋਂ ਜਾਰੀ ਹੈ

 

 

---

ਪ੍ਰਸ਼ਾਂਤ ਕਿਸ਼ੋਰ ਤੇ ਪਵਨ ਵਰਮਾ ਨੂੰ ਪਾਰਟੀ ’ਚੋਂ ਕੱਢਿਆ:
• ਨਿਤੀਸ਼ ਕੁਮਾਰ ਨੇ ਪ੍ਰਸ਼ਾਂਤ ਕਿਸ਼ੋਰ ਅਤੇ ਪਵਨ ਵਰਮਾ ਨੂੰ ਜਨਤਾ ਦਲ (ਯੂ) ਵਿੱਚੋਂ ਕੱਢਿਆ।
• ਪਿਛਲੇ ਕੁਝ ਸਮੇਂ ਤੋਂ ਪ੍ਰਸ਼ਾਂਤ ਕਿਸ਼ੋਰ ਅਤੇ ਪਵਨ ਸ਼ਰਮਾ ਦੀ ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨਾਲ ਲਗਾਤਾਰ ਖਿੱਚੋਤਾਣ ਵਧ ਰਹੀ ਸੀ।

• ਕਿਸ਼ੋਰ ਅਤੇ ਸ਼ਰਮਾ ਨਿਤੀਸ਼ ਕੁਮਾਰ ਖਿਲਾਫ ਲਗਾਤਾਰ ਬਿਆਨਬਾਜ਼ੀ ਕਰ ਰਹੇ ਹਨ।
• ਜਿਸ ਦੇ ਚੱਲਦੇ ਅਨੁਸ਼ਾਸਨਹੀਣਤਾ ਦੀ ਦਲੀਲ ਦਿੰਦਿਆਂ ਹੋਇਆ ਇਨ੍ਹਾਂ ਨੂੰ ਪਾਰਟੀ ਵਿੱਚੋਂ ਕੱਢਿਆ ਗਿਆ।

---

ਅਨੁਰਾਗ ਠਾਕਰ ਅਤੇ ਪ੍ਰਵੇਸ਼ ਵਰਮਾ ਵਿਰੁੱਧ ‘ਕਾਰਵਾਈ’:
• ਭਾਜਪਾ ਦੇ ਅਨੁਰਾਗ ਠਾਕਰ ਅਤੇ ਪ੍ਰਵੇਸ਼ ਵਰਮਾ ਵਿਰੁੱਧ ਚੋਣ ਕਮਿਸ਼ਨ ਦੀ ਕਾਰਵਾਈ।

• ਕਿਹਾ ਕਿ ਭਾਜਪਾ ਦੋਵਾਂ ਆਗੂਆਂ ਨੂੰ ਦਿੱਲੀ ਚੋਣਾਂ ਦੇ ‘ਸਟਾਰ ਪ੍ਰਚਾਰਕਾਂ’ ਦੀ ਸੂਚੀ ਵਿੱਚੋਂ ਹਟਾਵੇ।
• ਇਹ ਦੋਵੇਂ ਦਿੱਲੀ ਚੋਣਾਂ ਦੌਰਾਨ ਆਪਣੀ ਬਿਆਨਬਾਜ਼ੀ ਵਿੱਚ ਲਗਾਤਾਰ ਮੁਸਲਮਾਨਾਂ ਨੂੰ ਨਿਸ਼ਾਨਾ ਬਣਾ ਰਹੇ ਸਨ।

ਉਕਤ ਲਿਖਤ/ ਖਬਰ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰੋ:

Tweet

---

ਵਟਸਐਪ ਰਾਹੀਂ ਤਾਜਾ ਖਬਰਾਂ ਹਾਸਲ ਕਰਨ ਦਾ ਤਰੀਕਾ:
(1) ਸਿੱਖ ਸਿਆਸਤ ਦਾ ਵਟਸਐਪ ਅੰਕ 0091-85560-67689 ਆਪਣੀ ਜੇਬੀ (ਫੋਨ) ਵਿੱਚ ਭਰ ਲਓ; ਅਤੇ
(2) ਸਾਨੂੰ ਆਪਣਾ ਨਾਂ ਵਟਸਐਪ ਰਾਹੀਂ ਭੇਜ ਦਿਓ।

---