![Sikh Siyasat News - Latest Sikh News from Punjab and around the globe](/wp-content/uploads/2015/09/sikh_siyasat.jpg)
April 25, 2018 | By ਸਿੱਖ ਸਿਆਸਤ ਬਿਊਰੋ
ਨਵੀਂ ਦਿੱਲੀ: ਕਾਂਗਰਸ ਪਾਰਟੀ ਦੇ ਉੱਚ ਆਗੂ ਅਤੇ ਸਾਬਕਾ ਕੇਂਦਰੀ ਮੰਤਰੀ ਸਲਮਾਨ ਖੁਰਸ਼ੀਦ ਨੇ ਅੱਜ ਮੰਨਿਆ ਕਿ ਉਨ੍ਹਾਂ ਦੀ ਪਾਰਟੀ ਦੇ ਹੱਥ ਮੁਸਲਮਾਨਾਂ ਦੇ ਖੂਨ ਨਾਲ ਰੰਗੇ ਹੋਏ ਹਨ। ਖੁਰਸ਼ੀਦ ਵਲੋਂ ਇਹ ਬਿਆਨ ਅੱਜ ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ ਵਿਚ ਇਕ ਵਿਦਿਆਰਥੀ ਮਿਲਣੀ ਦੌਰਾਨ ਦਿੱਤਾ ਗਿਆ ਜਦੋਂ ਉਨ੍ਹਾਂ ਨੂੰ ਕਾਂਗਰਸ ਦੇ ਰਾਜ ਦੌਰਾਨ ਹੋਏ 1984 ਦੇ ਸਿੱਖ ਕਤਲੇਆਮ ਅਤੇ 1992 ਵਿਚ ਬਾਬਰੀ ਮਸਜ਼ਿਦ ‘ਤੇ ਹਮਲੇ ਤੋਂ ਬਾਅਦ ਹੋਏ ਕਤਲੇਆਮ ਬਾਰੇ ਪੁਛਿਆ ਗਿਆ। ਖੁਰਸ਼ੀਦ ਨੇ ਨਾਲ ਹੀ ਕਿਹਾ ਕਿ ਗਲਤੀਆਂ ਤੋਂ ਸਿੱਖਣਾ ਚਾਹੀਦਾ ਹੈ ਤਾਂ ਕਿ ਇਤਿਹਾਸ ਨਾ ਦੁਹਰਾਇਆ ਜਾਵੇ।
ਸਲਮਾਨ ਖੁਰਸ਼ੀਦ
ਏਐਨਆਈ ਦੀ ਖਬਰ ਅਨੁਸਾਰ ਉਨ੍ਹਾਂ ਕਿਹਾ, “ਮੈਂ ਕਾਂਗਰਸ ਦਾ ਹਿੱਸਾ ਹਾਂ। ਇਸ ਲਈ, ਮੈਨੂੰ ਮੰਨਣ ਦਿਓ ਕਿ ਸਾਡੇ ਹੱਥਾਂ ‘ਤੇ ਮੁਸਲਮਾਨਾਂ ਦਾ ਖੂਨ ਲੱਗਿਆ ਹੈ। ਮੈਂ ਤੁਹਾਨੂੰ ਇਹ ਕਹਿ ਰਿਹਾ ਹਾਂ; ਅਸੀਂ ਆਪਣੇ ਹੱਥਾਂ ‘ਤੇ ਲੱਗੇ ਖੂਨ ਨੂੰ ਦਖਾਉਣ ਲਈ ਤਿਆਰ ਹਾਂ ਤਾਂ ਕਿ ਤੁਸੀਂ ਇਹ ਸਮਝ ਸਕੋ ਕਿ ਤੁਹਾਡੇ ਹੱਥਾਂ ‘ਤੇ ਵੀ ਖੂਨ ਨਾ ਲੱਗੇ।”
ਖੁਰਸ਼ੀਦ ਨੇ ਕਿਹਾ ਕਿ ਜੇ ਘੱਟਗਿਣਤੀਆਂ ਦਾ ਕਤਲੇਆਮ ਹੁੰਦਾ ਹੈ ਤਾਂ ਹਮਲਾਵਰਾਂ ਦੇ ਹੱਥ ਖੁਦ ਹੀ ਦਾਗੀ ਹੋ ਜਾਂਦੇ ਹਨ। ਬਾਅਦ ਵਿਚ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਖੁਰਸ਼ੀਦ ਨੇ ਕਿਹਾ ਕਿ ਉਨ੍ਹਾਂ ਨੇ ਇਹ ਬਿਆਨ ਇਕ ਇਨਸਾਨ ਹੋਣ ਨਾਅਤੇ ਦਿੱਤਾ ਹੈ।
Related Topics: Aligarh muslim University, Babri Masjid Case, INC, Salman Khurshid, ਸਿੱਖ ਨਸਲਕੁਸ਼ੀ 1984 (Sikh Genocide 1984)