ਇੰਡੀਆ ਤੇ ਪਾਕਿਸਤਾਨ ਦਰਮਿਆਨ 7 ਤੋਂ 10 ਮਈ ਦਰਮਿਆਨ ਹੋਈ ਹਵਾਈ ਫੌਜੀ ਜੰਗ ਨੇ ਇਸ ਖਿੱਤੇ ਵਿਚ ਸੁਰੱਖਿਆ ਦਾ ਮਹੌਲ ਬਦਲ ਦਿੱਤਾ ਹੈ। ਇੰਡੀਆ, ਪਾਕਿਸਤਾਨ ਤੇ ਚੀਨ ਦਰਮਿਆਨ ਰੱਖਿਆ ਸਮੀਕਰਣ ਵੱਡੇ ਪੱਧਰ ਉੱਤੇ ਬਦਲ ਚੁੱਕੇ ਹਨ। ਜੰਗ ਬੰਦੀ ਤੋਂ ਬਾਅਦ ਭਾਰਤੀ ਫੌਜ ਵੱਲੋਂ ਲੜਾਕੂ ਜਹਾਜ਼ ਦੇ ਹੋਏ ਨੁਕਸਾਨ ਤੇ ਚੀਨ ਵੱਲੋਂ ਪਾਕਿਸਤਾਨ ਦੀ ਜੰਗ ਵਿਚ ਕੀਤੀ ਮਦਦ ਦਾ ਤੱਥ ਤਸਲੀਮ ਕੀਤਾ ਜਾ ਚੁੱਕਾ ਹੈ। ਇਸ ਦੇ ਮੱਦੇਨਜ਼ਰ ਇਹ ਧਿਰਾਂ ਆਪਣੀਆਂ ਅਗਲੀਆਂ ਰਣਨੀਤੀਆਂ ਘੜ ਅਤੇ ਲਾਗੂ ਕਰ ਰਹੀਆਂ ਹਨ। ਚੀਨ ਨੇ ਪਾਕਿਸਤਾਨ ਨੂੰ ਆਧੁਨਿਕ ਸਟੈਲਥ ਤਕਨੀਕ ਨਾਲ ਲੈਸ ਚਾਲੀ ਜੇ-35ਏ ਲੜਾਕੂ ਜਹਾਜ਼ ਦੇਣ ਦਾ ਐਲਾਨ ਕੀਤਾ ਹੈ। ਇਹਨਾ ਨਾਲ ਭਾਰਤ-ਪਾਕਿਸਤਾਨ ਦਰਮਿਆਨ ਹਵਾਈ ਫੌਜੀ ਸਮਰੱਥਾਵਾਂ ਦਾ ਤਵਾਜ਼ਨ ਪਾਕਿਸਤਾਨ ਦੇ ਹੱਕ ਵਿਚ ਬਦਲ ਜਾਵੇਗਾ। ਭਾਰਤ ਨੇ ਹਾਲ ਵਿਚ ਹੀ ਲੱਦਾਖ ਅਤੇ ਉੜੀਸਾ ਵਿਚ ਮਿਜ਼ਾਈਲ ਪਰੀਖਣ ਕੀਤੇ ਹਨ ਤੇ ਇਸ ਵੱਲੋਂ ਅਰੁਨਾਚਲ ਪ੍ਰਦੇਸ਼ ਵਿਚ ਚੀਨ ਦੇ ਬਾਰਡਰ ਦੇ ਨੇੜੈ ਹਵਾਈ ਅੱਡੇ ਤੇ ਨਵੀਂਆਂ ਫੌਜੀ ਉਸਾਰੀਆਂ ਕੀਤੀ ਜਾ ਰਹੀਆਂ ਹਨ।
ਇਹਨਾ ਅਤੇ ਅਜਿਹੀਆਂ ਹੋਰ ਨਵੀਆਂ ਜਾਣਕਾਰੀਆਂ ਤੇ ਘਟਨਾਵਾ ਦੀ ਪੜਚੋਲ ਕਰਨ ਵਾਸਤੇ ਪੱਤਰਕਾਰ ਮਨਦੀਪ ਸਿੰਘ ਨੇ ਸਿੱਖ ਸਿਆਸਤ ਦੇ ਸੰਪਾਦਕ ਪਰਮਜੀਤ ਸਿੰਘ ਗਾਜ਼ੀ ਨਾਲ ਖਾਸ ਗੱਲਬਾਤ ਕੀਤੀ ਹੈ। ਇਹ ਗੱਲਬਾਤ ਆਪ ਸੁਣ ਕੇ ਅਗਾਂਹ ਸਾਂਝੀ ਕਰ ਦਿਓ ਜੀ।
