ਲੰਡਨ: ਪੰਜਾਬੀ ਫਿਲਮ “ਤੂਫਾਨ ਸਿੰਘ” ਦੇ ਨਿਰਮਾਤਾਵਾਂ ਵਲੋਂ ਜਾਰੀ ਪ੍ਰੈਸ ਬਿਆਨ ਵਿਚ ਦੱਸਿਆ ਗਿਆ ਕਿ ਸੈਂਟਰਲ ਬੋਰਡ ਆਫ ਫਿਲਮ ਸਰਟੀਫਿਕੇਸ਼ਨ (CBFC), ਨੇ ਫਿਲਮ ਨੂੰ ਪ੍ਰਵਾਨਗੀ ਸਰਟੀਫਿਕੇਟ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ।
ਨਿਰਮਾਤਾਵਾਂ ਵਲੋਂ ਜਾਰੀ ਬਿਆਨ ਵਿਚ ਕਿਹਾ ਗਿਆ ਕਿ ਸੈਂਸਰ ਬੋਰਡ ਨੇ ਇਹ ਕਹਿ ਕੇ ਇਤਰਾਜ਼ ਜਤਾਇਆ ਹੈ ਕਿ ਫਿਲਮ ‘ਚ ਰਾਸ਼ਟਰ-ਵਿਰੋਧੀ ਬੰਦਿਆਂ, ਅੱਤਵਾਦ/ ਖਾਲਿਸਤਾਨ ਲਹਿਰ ਨੂੰ ਵਡਿਆਇਆ ਗਿਆ ਹੈ।
![[File Photo]](http://sikhsiyasat.net/wp-content/uploads/2016/07/Toofan-Singh.png)
ਫਾਈਲ ਫੋਟੋ
ਜ਼ਿਕਰਯੋਗ ਹੈ ਕਿ 1984 ਦੇ ਸਦਮੇ ਅਤੇ 84 ਤੋਂ ਬਾਅਦ ਦੇ ਸਮੇਂ ਚੱਲੀ ‘ਲਹਿਰ’ ‘ਤੇ ਫਿਲਮ ਬਣਾ ਕੇ ਪੰਜਾਬੀ ਨਿਰਮਾਤਾਵਾਂ ਨੇ ‘ਪ੍ਰਯੋਗ’ ਕੀਤਾ ਹੈ।
ਰੌਇਲ ਸਿਨੇ ਆਰਟਸ ਦੇ ਬਘੇਲ ਸਿੰਘ ਜੋ ਕਿ ਫਿਲਮ ਦੇ ਨਿਰਦੇਸ਼ਕ ਹਨ ਅਤੇ ਫਿਲਮ ਦੇ ਕਲਾਕਾਰ ਪੰਜਾਬੀ ਗਾਇਕ ਰਣਜੀਤ ਬਾਵਾ ਦੀ ਇਹ ਪਹਿਲੀ ਫਿਲਮ ਹੈ।
ਬਘੇਲ ਸਿੰਘ ਨੇ ਕਿਹਾ ਕਿ ਸਾਡੇ ਕੋਲ ਕਾਨੂੰਨੀ ਕਾਰਵਾਈ ਤੋਂ ਇਲਾਵਾ ਹੁਣ ਹੋਰ ਕੋਈ ਚਾਰਾ ਨਹੀਂ।
ਇਸ ਖ਼ਬਰ ਨੂੰ ਅੰਗ੍ਰੇਜ਼ੀ ਵਿਚ ਪੜ੍ਹਨ ਲਈ: http://bit.ly/2a8dPKl