ਲੰਡਨ: ਪੰਜਾਬ ਦੇ ਆਖਰੀ ਬਾਦਸ਼ਾਹ ਮਹਾਰਾਜਾ ਦਲੀਪ ਸਿੰਘ ਤੋਂ ਧੋਖੇ ਨਾਲ ਈਸਟ ਇੰਡੀਆ ਕੰਪਨੀ ਵੱਲੋਂ ਖੋਹਿਆ ਦੁਨੀਆ ਦਾ ਵਡਮੁੱਲਾ ਹੀਰਾ ‘ਕੋਹੇਨੂਰ’ ਭਾਰਤ ਨੂੰ ਦੇਣ ਦਾ ਸਿੱਖ ਫੈਡਰੇਸ਼ਨ ਯੂ. ਕੇ. ਨੇ ਵਿਰੋਧ ਕੀਤਾ ਹੈ। ਫੇਡਰੇਸ਼ਨ ਦੇ ਚੇਅਰਮੈਨ ਭਾਈ ਅਮਰੀਕ ਸਿੰਘ ਗਿੱਲ ਨੇ ਪ੍ਰਧਾਨ ਮੰਤਰੀ ਥਰੀਸਾ ਮੇਅ ਅਤੇ ਵਿਦੇਸ਼ ਮੰਤਰੀ ਲੌਰਿਸ ਜੌਹਨਸਨ ਨੂੰ ਪੱਤਰ ਲਿਖ ਕੇ ਮੰਗ ਕੀਤੀ ਹੈ ਕਿ ਕੋਹੇਨੂਰ ਹੀਰਾ ਸਿੱਖਾਂ ਦੀ ਅਮਾਨਤ ਹੈ ਅਤੇ ਭਾਰਤ ਸਰਕਾਰ ਦਾ ਇਸ ‘ਤੇ ਕੋਈ ਹੱਕ ਨਹੀਂ ਹੈ।
ਸਿੱਖ ਫੈਡਰੇਸ਼ਨ ਯੂ.ਕੇ. ਦੇ ਭਾਈ ਅਮਰੀਕ ਸਿੰਘ ਗਿੱਲ (ਫਾਈਲ ਫੋਟੋ)
ਭਾਈ ਗਿੱਲ ਨੇ ਕਿਹਾ ਕਿ ਸਿੱਖ ਰਾਜ ਦੀ ਹਰ ਨਿਸ਼ਾਨੀ ‘ਤੇ ਸਿੱਖਾਂ ਦਾ ਹੱਕ ਹੈ, ਜਦ ਤੱਕ ਸਿੱਖ ਰਾਜ ਮੁੜ ਸਥਾਪਿਤ ਨਹੀਂ ਹੋ ਜਾਂਦਾ, ਸਿੱਖ ਰਾਜ ਦੀ ਹਰ ਨਿਸ਼ਾਨੀ ਬਰਤਾਨੀਆ ਸਿੱਖਾਂ ਦੀ ਅਮਾਨਤ ਸਮਝ ਕੇ ਆਪਣੇ ਕੋਲ ਸੁਰੱਖਿਅਤ ਰੱਖੇ।