13 ਅਗਸਤ 2025 ਨੂੰ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਨੇ ਆਰਮੀ ਰਾਕੇਟ ਫੋਰਸ ਕਮਾਂਡ (ARFC) ਬਣਾਉਣ ਦਾ ਐਲਾਨ ਕੀਤਾ ਹੈ—ਜਿਸਨੂੰ ਚੀਨ ਦੀ ਪੀਪਲਜ਼ ਲਿਬਰੇਸ਼ਨ ਆਰਮੀ ਰਾਕੇਟ ਫੋਰਸ (PLARF) ਤੋਂ ਪ੍ਰੇਰਿਤ ਅਹਿਮ ਕਦਮ ਮੰਨਿਆ ਜਾ ਰਿਹਾ ਹੈ। ਇਸ ਐਲਾਨ ਨਾਲ ਦੱਖਣੀ ਏਸ਼ੀਆ ਦੇ ਫੌਜੀ ਸੰਤੁਲਨ ਅਤੇ ਭਾਰਤ ਦੀ ਸੁਰੱਖਿਆ ਤਿਆਰੀਆਂ ਬਾਰੇ ਚਰਚਾਵਾਂ ਛਿੜ ਗਈਆਂ ਹਨ।
ਇਸ ਮਸਲੇ ਦੀ ਪੜਚੋਲ ਕਰਨ ਲਈ ਪੱਤਰਕਾਰ ਮਨਦੀਪ ਸਿੰਘ ਸਿੱਖ ਸਿਆਸਤ ਦੇ ਸੰਪਾਦਕ ਪਰਮਜੀਤ ਸਿੰਘ ਗਾਜ਼ੀ ਨਾਲ ਇਹ ਖਾਸ ਗੱਲਬਾਤ ਕੀਤੀ ਹੈ ਤਾਂ ਜੋ ਇਸ ਐਲਾਨ ਦੀ ਹਕੀਕਤ ਨੂੰ ਸਮਝਾਇਆ ਜਾ ਸਕੇ।
ਵਿਚਾਰੇ ਗਏ ਪ੍ਰਮੁੱਖ ਨੁਕਤੇ:
- ਰਾਕੇਟ ਫੋਰਸ ਕਮਾਂਡ ਆਖਿਰ ਹੈ ਕੀ?
- ਕੀ ਪਾਕਿਸਤਾਨ ਦਾ ਐਲਾਨ ਚੀਨ ਦੀ ਰਾਕਟ ਫੋਰਸ ਤੋਂ ਪ੍ਰੇਰਿਤ ਹੈ?
- ਇਸ ਐਲਾਨ ਦਾ ਭਾਰਤ ਦੀ ਹਵਾਈ ਸੁਰੱਖਿਆ ਪ੍ਰਣਾਲੀ ਉੱਤੇ ਕੀ ਅਸਰ ਪਵੇਗਾ?
- ਕੀ ਪਾਕਿਸਤਾਨ ਦਾ ਐਲਾਨ ਸੱਚੀਂ ਇਕ ਵੱਡੀ ਪੁਲਾਂਘ (ਗੇਮਚੇਂਜਰ) ਹੈ ਜਾਂ ਮਹਿਜ਼ ਪ੍ਰਚਾਰ (ਪ੍ਰਾਪੇਗੰਡਾ) ਹੈ?
- ਪਾਕਿਸਤਾਨ ਦੀ ਰਾਕਟ ਫੋਰਸ ਦੇ ਐਲਾਨ ਨਾਲ ਦੱਖਣੀ ਏਸ਼ੀਆ ਦੇ ਰਣਨੀਤਕ ਤਵਾਜ਼ਨ ਉੱਤੇ ਕੀ ਅਸਰ ਪਵੇਗਾ?
- ਇੰਡੀਆ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 15 ਅਗਸਤ 2025 ਦੇ ਭਾਸ਼ਣ ਦੌਰਾਨ ਜਿਸ ਸੁਦਰਸ਼ਨ ਚੱਕਰ ਨੂੰ ਬਣਾਉਣ ਦਾ ਐਲਾਨ ਕੀਤਾ ਹੈ ਉਹ ਕੀ ਹੈ?
- ਸੁਦਰਸ਼ਨ ਚੱਕਰ ਪਹਿਲਾਂ ਕਦੋਂ ਤੱਕ ਬਣ ਜਾਣਾ ਸੀ ਤੇ ਹੁਣ ਤੇ ਐਲਾਨ ਮੁਤਾਬਿਕ ਕਦੋਂ ਤੱਕ ਬਣ ਸਕੇਗਾ?
- ਭਾਰਤ ਵੱਲੋਂ ਜੁਲਾਈ 2025 ਵਿੱਚ ਕੀਤੇ ਛੇ ਮਿਸਾਈਲ ਪਰੀਖਣਾ ਦੀ ਪੜਚੋਲ।
- 20–21 ਅਗਸਤ ਨੂੰ ਬੰਗਾਲ ਦੀ ਖਾੜੀ ਵਿੱਚ ਇੰਡੀਆ ਕਿਸ ਤਰ੍ਹਾਂ ਦਾ ਮਿਜ਼ਾਈਲ ਪਰੀਖਣ ਕਰ ਸਕਦਾ ਹੈ?
- ਇੰਡੀਆ ਤੇ ਪਾਕਿਸਤਾਨ ਵਿਚ ਲੱਗੀ ਹਥਿਆਰਾਂ ਤੇ ਮਿਜ਼ਾਈਲਾਂ ਦੀ ਦੌੜ ਦਾ ਪੰਜਾਬ ਉੱਤੇ ਕੀ ਅਸਰ ਪਵੇਗਾ?
- ਭਾਰਤ-ਪਾਕਿਸਤਾਨ ਮਿਸਾਈਲ ਦੌੜ ਵਿੱਚ ਸੰਭਾਵੀ ਤੇਜ਼ੀ ਅਤੇ ਖੇਤਰੀ ਸੁਰੱਖਿਆ ਖਤਰੇ।
- ਭਾਰਤ ਦੀ ਭਵਿੱਖੀ ਰੱਖਿਆ ਰਣਨੀਤੀ ਅਤੇ ਲੰਬੇ ਸਮੇਂ ਦੀ ਤਿਆਰੀ ਦੇ ਸੰਭਾਵੀ ਦ੍ਰਿਸ਼।
ਇਹ ਵਿਸ਼ਲੇਸ਼ਣ ਸਿਰਫ਼ ਸੁਰਖੀਆਂ ਤੱਕ ਸੀਮਿਤ ਨਹੀਂ ਹੈ, ਸਗੋਂ ਇਸ ਗੱਲ ਦੀ ਗਹਿਰਾਈ ਨਾਲ ਜਾਂਚ ਕਰਦਾ ਹੈ ਕਿ ਪਾਕਿਸਤਾਨ ਦੀ ਰਾਕੇਟ ਫੋਰਸ ਹਕੀਕਤ ਵਿੱਚ ਕੋਈ ਗੰਭੀਰ ਰਣਨੀਤਕ ਬਦਲਾਅ ਹੈ ਜਾਂ ਸਿਰਫ਼ ਰਾਜਨੀਤਕ ਦਿਖਾਵਾ।
ਇਹ ਵੀ ਵੇਖੋ: – ਪਾਕਿਸਤਾਨ ਦੇ ਫੌਜ ਮੁਖੀ ਵੱਲੋਂ ਅਮਰੀਕਾ ਦੀ ਧਰਤੀ ਤੋਂ ਇੰਡੀਆ ਨੂੰ ਕਥਿਤ “ਪ੍ਰਮਾਣੂ ਧਮਕੀ” ਦੇਣ ਵਾਲੇ ਬਿਆਨ ਦੀ ਪੜਚੋਲ