ਡਿਬਰੂਗੜ੍ਹ: ਇੰਡੀਅਨ ਖਬਰਖਾਨੇ ਵਿਚ ਛਪੀਆਂ ਖਬਰਾਂ ਅਨੁਸਾਰ, ਅਸਾਮ ਵਿੱਚ ਨੈਸ਼ਨਲ ਹਾਈਵੇਅ-127 (ਐਨ.ਐਚ.-127) ਦੇ ਇੱਕ ਹਿੱਸੇ ਨੂੰ ਐਮਰਜੈਂਸੀ ਲੈਂਡਿੰਗ ਫੈਸਿਲਿਟੀ (ਈ.ਐਲ.ਐਫ.) ਵਜੋਂ ਵਿਕਸਤ ਕੀਤਾ ਗਿਆ ਹੈ। ਇਹ ਉੱਤਰ-ਪੂਰਬੀ ਭਾਰਤ ਵਿੱਚ ਆਪਣੀ ਤਰ੍ਹਾਂ ਦੀ ਪਹਿਲੀ ਹਵਾਈ ਪੱਟੀ ਹੈ।

ਉੱਤਰ-ਪੂਰਬ ਦੀ ਪਹਿਲੀ ‘ਸੜਕ ਅਧਾਰਤ ਹਵਾਈ-ਪੱਟੀ’ ਤਿਆਰ

ਖਬਰਾਂ ਅਨੁਸਾਰ ਡਿਬਰੂਗੜ੍ਹ-ਮੋਰਾਨ ਸੈਕਸ਼ਨ ‘ਤੇ ਬਣੀ ਇਹ ਪੱਟੀ ਲਗਭਗ 4.2 ਕਿਲੋਮੀਟਰ ਲੰਬੀ ਹੈ। ਭਾਰਤੀ ਹਵਾਈ ਫੌਜ ਨੇ ਇੱਥੇ ਸੁਖੋਈ-30 ਐਮ.ਕੇ.ਆਈ., ਰਾਫੇਲ ਅਤੇ ਤੇਜਸ ਵਰਗੇ ਲੜਾਕੂ ਜਹਾਜ਼ਾਂ ਨੂੰ ਉਤਾਰਨ ਦੇ ਸਫਲ ਪਰੀਖਣ ਮੁਕੰਮਲ ਕਰ ਲਏ ਹਨ।

14 ਫਰਵਰੀ 2026 ਨੂੰ ਇਸਦਾ ਰਸਮੀ ਉਦਘਾਟਨ ਇੰਡੀਆ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਕੀਤਾ ਜਾਵੇਗਾ। ਰਣਨੀਤਕ ਤੌਰ ‘ਤੇ ਇਹ ਸਥਾਨ ਚੀਨ ਸਰਹੱਦ (ਐਲ.ਏ.ਸੀ.) ਤੋਂ ਕਰੀਬ ਤਿੰਨ ਸੌ ਕਿਲੋਮੀਟਰ ਦੂਰ ਹੈ। ਇਸ ਯੋਜਨਾ ਦਾ ਮੁੱਖ ਮਕਸਦ ਜੰਗ ਜਾਂ ਕੁਦਰਤੀ ਆਫ਼ਤਾਂ ਵਰਗੇ ਸੰਕਟਕਾਲੀਨ ਹਾਲਾਤਾਂ ਵਿੱਚ, ਜਦੋਂ ਰਵਾਇਤੀ ਹਵਾਈ ਅੱਡੇ ਜਾਮ ਜਾਂ ਨੁਕਸਾਨੇ ਜਾਣ, ਹਵਾਈ ਫੌਜ ਨੂੰ ਕਾਰਵਾਈ ਲਈ ਬਦਲਵਾਂ ਰਸਤਾ ਮੁਹੱਈਆ ਕਰਨਾ ਹੈ।

 

Comments

comments