ਚੰਡੀਗੜ੍ਹ : 11 ਅਕਤੂਬਰ ਦਿਨ ਵੀਰਵਾਰ ਦੀ ਸਵੇਰ ਨੂੰ ਕਸ਼ਮੀਰ ਦੇ ਕੁਪਵਾੜਾ ਜ਼ਿਲ੍ਹੇ ਦੇ ਹੰਦਵਾੜਾ ਖੇਤਰ ਵਿੱਚ 27 ਸਾਲਾ ਮਨਨ ਬਸ਼ੀਰ ਵਾਨੀ ਸਮੇਤ 2 ਹੋਰ ਨੌਜਵਾਨ ਪੁਲਸ ਦੇ ਦੱਸੇ ਅਨੁਸਾਰ ਭਾਰਤੀ ਸੁਰੱਖਿਆ ਦਸਤਿਆਂ ਨਾਲ ਹਥਿਆਰਬੰਦ ਮੁਕਾਬਲੇ ਵਿੱਚ ਮਾਰੇ ਗਏ ਸਨ। ਮਨਨ ਬਸ਼ੀਰ ਵਾਨੀ ਉੱਤਰ ਪ੍ਰਦੇਸ਼ ਦੀ ਅਲੀਗੜ੍ਹ ਮੁਸਲਿਮ ਯੁਨੀਵਰਸਿਟੀ ਦਾ ਵਿਦਿਆਰਥੀ ਰਹਿ ਚੁੱਕਿਆ ਸੀ। ਭਾਰਤੀ ਏਜੰਸੀਆਂ ਦਾ ਕਹਿਣੈ ਕਿ ਉਹ ਇਸੇ ਸਾਲ ਜਨਵਰੀ ਵਿੱਚ ਕਸ਼ਮੀਰੀ ਲੜਾਕੂ ਜਥੇਬੰਦੀ ‘ਹਿਜ਼ਬੁਲ ਮੁਜਾਹਦੀਨ’ ਵਿੱਚ ਸ਼ਾਮਿਲ ਹੋ ਗਿਆ ਸੀ।
ਮਨਨ ਬਸ਼ੀਰ ਵਾਨੀ ਦੀ ਇੱਕ ਪੁਰਾਣੀ ਤਸਵੀਰ
Today a PhD scholar chose death over life & was killed in an encounter. His death is entirely our loss as we are losing young educated boys everyday. 1/2
— Mehbooba Mufti (@MehboobaMufti) October 11, 2018
11 ਅਕਤੂਬਰ ਨੂੰ ਹੀ ਕਥਿਤ ਤੌਰ ‘ਤੇ ਯੁਨੀਵਰਸਿਟੀ ਵਿੱਚ ਸਾਬਕਾ ਵਿਦਿਆਰਥੀ ਦੀ ਮੌਤ ਉੱਤੇ ਕੁਝ ਵਿਦਿਆਰਥੀਆਂ ਵਲੋਂ ਮਨਨ ਬਸ਼ੀਰ ਵਾਨੀ ਨੂੰ ਸ਼ਰਧਾਂਜਲੀ ਦਿੱਤੀ ਗਈ ।
12 ਅਕਤੂਬਰ ਨੂੰ 3 ਵਿਦਿਆਰਥੀ ਯੁਨੀਵਰਸਿਟੀ ਵਿੱਚੋਂ ਮੁਅੱਤਲ ਕਰ ਦਿੱਤੇ ਗਏ ਅਤੇ ਉਹਨਾਂ ਉੱਤੇ ਦੇਸ਼ ਧ੍ਰੋਹ ਅਤੇ ਦੇਸ਼ ਵਿਰੋਧੀ ਨਾਅਰੇ ਲਾਉਣ ਦੇ ਪਰਚੇ ਦਰਜ ਕਰ ਦਿੱਤੇ ਗਏ। ਮੁਅੱਤਲੀ ਤੋਂ ਬਾਅਦ ਯੁਨੀਵਰਸਿਟੀ ਪ੍ਰਸ਼ਾਸਨ ਨੇ 9 ਹੋਰ ਵਿਦਿਆਰਥੀਆਂ ਨੂੰ ਕਾਰਣ ਦੱਸੋ ਚਿੱਠੀਆਂ ਭੇਜ ਦਿੱਤੀਆਂ, ਜਿਨ੍ਹਾਂ ਨੇ ਕਥਿਤ ਤੌਰ ‘ਤੇ ਸਾਬਕਾ ਵਿਦਿਆਰਥੀ ਦੀ ਸ਼ੋਕ ਸਭਾ ਕਰਵਾਉਣੀ ਚਾਹੀ ਸੀ ।
ਯੁਨੀਵਰਸਿਟੀ ਦੇ ਵਿਦਿਆਰਥੀ ਜਥੇਬੰਦੀ ਦੇ ਸਾਬਕਾ ਉਪ-ਪ੍ਰਧਾਨ ਸੱਜਦ ਰਠਰ ਨੇ ਯੁਨੀਵਰਸਿਟੀ ਦੇ ਉੱਪ-ਕੁਲਪਤੀ ਨੂੰ ਲਿਖੀ ਇੱਕ ਚਿੱਠੀ ਵਿੱਚ ਲਿਖਿਆ ਹੈ ਕਿ “ਜੇਕਰ 17 ਤਰੀਕ ਤੱਕ ਤਿੰਨਾ ਵਿਦਿਆਰਥੀਆਂ ਉੱਤੇ ਦਰਜ ਕੀਤੇ ਗਏ ਪਰਚੇ ਵਾਪਿਸ ਨਾ ਲਏ ਗਏ ਤਾਂ, ਇਸ ਯੁਨੀਵਰਸਿਟੀ ਵਿੱਚ ਪੜ੍ਹਦੇ 1200 ਤੋਂ ਵੀ ਵੱਧ ਵਿਦਿਆਰਥੀ ਆਪਣੇ ਘਰ ਕਸ਼ਮੀਰ ਨੂੰ ਵਾਪਿਸ ਮੁੜ ਜਾਣਗੇ”
ਕਸ਼ਮੀਰੀ ਵਿਦਿਆਰਥੀਆਂ ਦੇ ਨੁਮਾਇੰਦੇ ਸੱਜਦ ਨੇ ਅੱਗੇ ਲਿਖਿਆ ਕਿ “ ਯੁਨੀਵਰਸਿਟੀ ਪ੍ਰਸ਼ਾਸਨ ਵਲੋਂ ਇਜਾਜਤ ਨਾ ਦਿੱਤੇ ਜਾਣ ਉੱਤੇ “ਨਮਾਜ਼ ਏ ਜਨਾਜ਼ਾ” (ਅੰਤਿਮ ਅਰਦਾਸ) ਦਾ ਵਿਚਾਰ ਛੱਡ ਦਿੱਤਾ ਗਿਆ ਸੀ, ਜੇਕਰ ਅਜਿਹੀ ਕੋਈ ਅਰਦਾਸ ਸਭਾ ਹੋਈ ਹੀ ਨਹੀਂ, ਜੋ ਕਿ ਪ੍ਰਸ਼ਾਸਨ ਮੰਨ ਚੁੱਕਿਆ ਹੈ, ਤਾਂ ਇਹ ਸਿੱਧੇ ਰੂਪ ਵਿੱਚ ਮਾਣਹਾਨੀ ਅਤੇ ਅਨਿਆ ਹੈ ।
It will be a travesty to punish them for remembering their former colleague who was a victim of relentless violence in Kashmir. 2/2
— Mehbooba Mufti (@MehboobaMufti) October 15, 2018
ਕਸ਼ਮੀਰ ਦੀ ਸਾਬਕਾ ਮੁੱਖ ਮੰਤਰੀ ਮਹਿਬੂਬਾ ਮੁਫਤੀ ਨੇ ਵੀ ਵਿਦਿਆਰਥੀਆਂ ਉੱਤੇ ਲਾਏ ਗਏ ਦੇਸ਼ ਧ੍ਰੋਹ ਦੇ ਦੋਸ਼ਾਂ ਨੂੰ ਵਾਪਿਸ ਲੈਣ ਦੀ ਮੰਗ ਕੀਤੀ ਹੈ।
Pushing youth to the wall will be counter productive.Centre must intervene in withdrawing cases against students & AMU authorities must revoke their suspension .The respective State governments outside JK should be sensitive to the situation & prevent further alienation . 1/2
— Mehbooba Mufti (@MehboobaMufti) October 15, 2018
ਕਸ਼ਮੀਰੀ ਵਿਦਿਆਰਥੀਆਂ ਦਾ ਸਾਥ ਦੇਣ ਵਾਲੇ ਵਿਧਾਇਕ ਨੂੰ ਲਿਆ ਗਿਆ ਹਿਰਾਸਤ ‘ਚ
ਕਸ਼ਮੀਰ ਦੇ ਲੰਗੇਟ ਹਲਕੇ ਤੋਂ ਵਿਧਾਇਕ ਸ਼ੇਖ ਅਬਦੁਲ ਰਸ਼ੀਦ ਨੂੰ ਐਤਵਾਰ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ ਜਦੋਂ ਉਹਨਾਂ ਅਲੀਗੜ੍ਹ ਯੁਨੀਵਰਸਿਟੀ ਵਿੱਚ ਦੇਸ਼ ਧ੍ਰੋਹ ਦੇ ਦੋਸ਼ ਲਗਾ ਕੇ ਸਸਪੈਂਡ ਕੀਤੇ ਗਏ ਵਿਦਿਆਰਥੀਆਂ ਦੇ ਪੱਖ ਵਿੱਚ ਰੋਸ ਮਾਰਚ ਕੱਢਿਆ।
ਪੰਧ ਸ਼ੁਰੂ ਕਰਨ ਤੋਂ ਪਹਿਲਾਂ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਉਹਨਾਂ ਕਿਹਾ ਕਿ ਕਿਸੇ ਦੀ ਅੰਤਿਮ ਅਰਦਾਸ ਵਿੱਚ ਸ਼ਾਮਿਲ ਹੋਣਾ ਕੋਈ ਗੁਨਾਹ ਨਹੀਂ ਹੈ, ਚਾਹੇ ਉਹ ਕੋਈ ਵੀ ਹੋਵੇ, “ਇਹ ਇੱਕ ਨਿਰੋਲ ਧਾਰਮਿਕ ਕਾਰਜ ਹੈ” ਉਹਨਾਂ ਕਿਹਾ ਕਿ ਯੁਨੀਵਰਸਿਟੀ ਪ੍ਰਸ਼ਾਸਨ ਨੇ ਸਥਾਨਕ ਭਾਰਤੀ ਜਨਤਾ ਪਾਰਟੀ ਦੇ ਵਿਧਾਇਕਾਂ ਦੇ ਜ਼ੋਰ ਪਾਉਣ ‘ਤੇ ਦੇਸ਼ ਧ੍ਰੋਹ ਦਾ ਦੋਸ਼ ਲਾਇਆ ਹੈ ਤਾਂ ਜੋ ਵਿਧਾਇਕ ਏਸ ਵਿੱਚੋਂ ਵੋਟਾਂ ਦਾ ਲਾਹਾ ਲੈ ਸਕਣ”
ਸ਼ੇਖ ਅਬਦੁਲ ਰਸ਼ੀਦ ਨੇ ਕਿਹਾ ਕਿ “ਭਾਰਤ ਵਿੱਚ ਕਸ਼ਮੀਰੀ ਹੋਣਾ ਹੁਣ ਗੁਨਾਹ ਬਣ ਚੁੱਕਿਆ ਹੈ, ਅਸੀਂ ਵਿਦਿਆਰਥੀਆਂ ਉੱਤੇ ਲਾਏ ਗਏ ਦੋਸ਼ਾਂ ਨੂੰ ਵਾਪਿਸ ਲੈਣ ਦੀ ਮੰਗ ਕਰਦੇ ਹਾਂ”।