ਸਿਰੀ ਗੁਰੁ ਗ੍ਰੰਥ ਸਾਹਿਬ ਵਰਲਡ ਯੂਨੀਵਰਸਿਟੀ, ਫਤਹਿਗੜ੍ਹ ਸਾਹਿਬ ਵਿੱਖੇ ਇਕ ਵਿਸ਼ੇਸ਼ ਇਜ਼ਲਾਸ ਬੁਲਾਇਆ ਗਿਆ, ਜਿਸ ਵਿੱਚ ਡਾ: ਕੰਵਲਜੀਤ ਸਿੰਘ ਨੇ 1849 ਤੋਂ ਹੁਣ ਤੱਕ ਹੋਏ ਪ੍ਰਵਾਸ ਬਾਰੇ ਆਪਣੇ ਵਿਚਾਰ ਵਿਦਿਆਰਥੀਆਂ ਨਾਲ ਸਾਂਝੇ ਕੀਤੇ। ਇਸ ਵਿਚਾਰ ਚਰਚਾ ਦੌਰਾਨ ਸਿੱਖ ਅਤੇ ਪੰਜਾਬੀ ਪ੍ਰਵਾਸ ਦੀਆਂ ਡੂੰਘੀਆਂ ਇਤਿਹਾਸਕ ਜੜਾਂ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਗਈ, ਜਿਸਦੀ ਸ਼ੁਰੂਆਤ 1849 ਵਿੱਚ ਅੰਗਰੇਜ਼ਾਂ ਵੱਲੋਂ ਪੰਜਾਬ ਦੇ ਕਬਜ਼ੇ ਤੋਂ ਹੁੰਦੀ ਹੈ, ਫਿਰ 1947 ਦੀ ਭਾਰਤ ਵੰਡ ਦੇ ਦੁਖਦਾਈ ਪ੍ਰਭਾਵਾਂ ਤੱਕ ਪਹੁੰਚਦੀ ਹੈ ਅਤੇ 1984 ਦੇ ਪੰਜਾਬ ਵਿੱਚ ਵਾਪਰੇ ਘਟਨਾ-ਚੱਕਰ ਦੇ ਦੂਰਗਾਮੀ ਨਤੀਜਿਆਂ ਦੀ ਸਮੀਖਿਆ ਕਰਦੀ ਹੈ। ਇਸ ਵਿਚਾਰ-ਵਟਾਂਦਰੇ ਵਿੱਚ ਦੱਸਿਆ ਗਿਆ ਕਿ ਕਿਵੇਂ ਇਹ ਇਤਿਹਾਸਕ ਮੋੜ ਪੰਜਾਬ ਵਿਚੋਂ ਪ੍ਰਵਾਸ ਨੂੰ ਤੇਜ਼ ਕਰਨ ਵਾਲੇ ਸਾਬਤ ਹੋਏ ਅਤੇ ਇਲਾਕੇ ਦੀ ਆਬਾਦੀਕ, ਸਮਾਜਕ, ਆਰਥਿਕ ਅਤੇ ਸੱਭਿਆਚਾਰਕ ਬਣਤਰ ਨੂੰ ਨਵਾਂ ਰੂਪ ਦਿੱਤਾ। ਵਿਅਖਿਆਨ ਵਿੱਚ ਇਹ ਵੀ ਰੌਸ਼ਨੀ ਪਾਈ ਗਈ ਕਿ ਇਤਿਹਾਸਕ ਆਘਾਤ, ਰਾਜਨੀਤਿਕ ਪਰਿਵਰਤਨ ਅਤੇ ਆਰਥਿਕ ਬਦਲਾਅ ਨੇ ਉਜਾੜ, ਵਸੇਬੇ ਅਤੇ ਗਲੋਬਲ ਸਿੱਖ ਪਹਿਚਾਣ ਦੀ ਰਚਨਾ ਨੂੰ ਕਿਵੇਂ ਪ੍ਰਭਾਵਿਤ ਕੀਤਾ।
ਇਹ ਇਜਲਾਸ ਵਿਦਿਆਰਥੀਆਂ, ਖੋਜਕਾਰਾਂ ਅਤੇ ਪੰਜਾਬ ਦੇ ਇਤਿਹਾਸ, ਸਿੱਖ ਅਧਿਐਨ, ਪ੍ਰਵਾਸ ਅਧਿਐਨ ਅਤੇ ਡਾਇਸਪੋਰਾ ਰਾਜਨੀਤੀ ਵਿੱਚ ਦਿਲਚਸਪੀ ਰੱਖਣ ਵਾਲਿਆਂ ਲਈ ਵਿਸ਼ੇਸ਼ ਮਹੱਤਵ ਰੱਖਦਾ ਹੈ। ਇਹ ਖਾਸ ਇਜਲਾਸ ਨੂੰ ਆਪ ਸੁਣੋ ਅਤੇ ਹੋਰਨਾਂ ਨਾਲ ਸਾਂਝਾ ਕਰੋ ਜੀ ਅਤੇ ਚੈਨਲ ਨੂੰ Like, Share ਅਤੇ Subscribe ਕਰਨਾ ਨਾ ਭੁੱਲੋ।
