ਚੰਡੀਗੜ੍ਹ (23 ਮਈ 2015): ਬਦਨਾਮ ਪੁਲਿਸ ਕੈਟ ਤੋਂ ਇੰਸਪੈਕਟਰ ਬਣਕੇ ਕਤਲ ਕੇਸ ਵਿੱਚ ਸਜ਼ਾ ਕੱਟਣ ਵਾਲੇ ਗੁਰਮੀਤ ਪਿੰਕੀ ਵੱਲੋਂ ਦੁਬਾਰਾ ਪੰਜਾਬ ਪੁਲਿਸ ਵਿੱਚ ਆਪਣੀ ਤਾਇਨਾਤੀ ਨੂੰ ਲੈਕੇ ਭਾਰਤ ਦੇ ਘਰੇਲੂ ਮੰਤਰਾਲੇ ਦੇ ਮੰਤਰੀ ਸਮੇਤ ਭਾਜਪਾ ਦੇ ਕਈ ਮੰਤਰੀਆਂ ਨਾਲ ਮੁਲਾਕਾਤ ਕਰਨ ਦੀਆਂ ਖ਼ਬਰਾਂ ਪ੍ਰਾਪਤ ਹੋਈਆਂ ਹਨ।
ਮੀਡੀਆਂ ਵਿੱਚ ਨਸ਼ਰ ਖ਼ਬਰਾਂ ਅਨੁਸਾਰ ਬਰਤਰਫ ਪੁਲਿਸ ਅਧਿਕਾਰੀ ਨੇ ਪੰਜਾਬ ਨਾਲ ਸਬੰਧਿਤ ਲੋਕ ਸਭਾ ਮੈਬਰਾਂ ਅਤੇ ਆਰ. ਐੱਸ. ਐੱਸ ਦੇ ਆਗੂਆਂ ਨੂੰ ਮਿਲ ਕੇ ਦੁਬਾਰਾ ਨਿਯੁਕਤੀ ਲਈ ਬੇਨਤੀ ਕੀਤੀ ਹੈ।
ਗੁਰਮੀਤ ਪਿੰਕੀ ਨੇ ਉਕਤ ਆਗੂਆਂ ਅਤੇ ਮੰਤਰੀਆਂ ਨੂੰ ਮਿਲ ਕੇ ਇਹ ਦਲੀਲ ਦਿੱਤੀ ਕਿ 1980-90ਵਿਆਂ ਦੇ ਦੌਰ ਦੌਰਾਨ ਉਸਨੇ ਆਪਣੀ ਜਾਨ ਜ਼ੋਖ਼ਮ ਵਿੱਚ ਪਾ ਕੇ ਪੰਜਾਬ ਵਿੱਚ ਹਿੰਦੂਆਂ ਦੀ ਰੱਖਿਆ ਕੀਤੀ ਸੀ।
ਅੰਗਰੇਜ਼ੀ ਅਖ਼ਬਾਰ “ਦੀ ਟ੍ਰਿਬਿਊਨ” ਗੁਪਤ ਸੂਤਰਾਂ ਦੇ ਹਾਵਲੇ ਨਾਲ ਲਿਖਿਆ ਕਿ ” ਪਿੰਕੀ ਦੇ ਮਾਮਲੇ ‘ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ”।
ਪਿੰਕੀ ਨੇ ਆਪਣੀ ਦੁਬਾਰਾ ਨਿਯੁਕਤੀ ਦੇ ਰੱਦ ਹੋਣ ਤੋਂ ਬਾਅਦ 24 ਘੰਟਿਆਂ ਦੇ ਅੰਦਰ ਅੰਦਰ ਦਿੱਲੀ ਵਿੱਚ ਭਾਜਪਾ ਦੇ ਮੁਖੀ ਆਗੂਆਂ ਅਤੇ ਚੰਡੀਗੜ੍ਹ ਵਿੱਚ ਉਚ ਪਲਿਸ ਅਧਿਕਾਰੀਆਂ ਸਮੇਤ ਪੰਜਾਬ ਦੇ ਉੱਪ ਮੁੱਖ ਮੰਤਰੀ ਸੁਖਬੀਰ ਬਾਦਲ, ਜੋ ਕਿ ਪੁਲਿਸ ਵਿਭਾਗ ਦੇ ਮੰਤਰੀ ਵੀ ਹਨ, ਕੋਲ ਪਹੁੰਚ ਕਰਕੇ ਆਪਣੀ ਅਰਜ਼ ਕੀਤੀ ਹੈ।
ਪੰਜਾਬ ਦਾ ਇੱਕ ਬੀਜੇਪੀ ਆਗੂ ਪਿੰਕੀ ਨੂੰ ਭਾਰਤ ਦੇ ਘਰੇਲੂ ਮੰਤਰੀ ਅਤੇ ਮੰਤਰੀਆਂ ਕੋਲ ਲੈਕੇ ਗਿਆ ਹੈ।
ਇਸ ਖ਼ਬਰ ਨੂੰ ਵਿਸਥਾਰ ਸਾਹਿਤ ਪੜ੍ਹਨ ਲਈ ਸਾਡੀ ਅੰਗਰੇਜ਼ੀ ਦੀਆਂ ਖ਼ਬਰਾਂ ਵਾਲੀ ਵੈੱਬਸਾਈਟ ‘ਤੇ ਜਾਓੁ, ਵੇਖੋ:
I saved Hindus in Punjab, so reinstate me in police: Cat Gurmeet Pinky to Rajnath, RSS leaders
