ਸ੍ਰੀਨਗਰ (25 ਅਪ੍ਰੈਲ, 2015): ਕਸ਼ਮੀਰੀ ਅਜ਼ਾਦੀ ਦੇ ਸਮਰਥੱਕ ਆਗੂ ਮੁਸਲਿਮ ਲੀਗ ਦੇ ਸਰਪ੍ਰਸਤ ਤੇ ਹੂਰੀਅਤ ਆਗੂ ਮਸਰਤ ਆਲਮ ਭੱਟ ‘ਨੂੰ ਗ੍ਰਿਫਤਾਰ ਕਰਕੇ ਜੇਲ ਬੰਦ ਕਰਨ ਦੇ ਰੋਸ ਵਜੋਂ ਹੂਰੀਅਤ ਦੇ ਧੜੇ ਜਿਸ ਦੀ ਅਗਵਾਈ ਸਈਦ ਅਲੀ ਸ਼ਾਹ ਗਿਲਾਨੀ ਕਰਦੇ ਹਨ ਦੇ ਸੱਦੇ ‘ਤੇ ਕਸ਼ਮੀਰ ਮੁਕੰਮਲ ਬੰਦ ਰਿਹਾ।

ਮਸਰਤ ਆਲਮ ਭੱਟ
ਮਸਰਤ ਆਲਮ ਭੱਟ

ਮਸਰਤ ਆਲਮ ਭੱਟ ‘ਤੇ ਮੁੜ ਜਨਤਾ ਸੁਰੱਖਿਆ ਕਾਨੂੰਨ (ਪੀ.ਐਸ.ਏ.) ਲਗਾ ਕੇ ਜੰਮੂ ਦੀ ਕੋਟਬਲਵਾਲ ਜੇਲ ‘ਚ ਤਬਦੀਲ ਕਰਨ ਦੇ ਵਿਰੋਧ ‘ਚ ਕਸ਼ਮੀਰ ਵਿਖੇ ਮੁਕੰਮਲ ਬੰਦ ਰਿਹਾ, ਜਿਸ ਨਾਲ ਜਨ ਜੀਵਨ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਇਆ। ਹੜਤਾਲ ਕਾਰਨ ਸਮੁੱਚੀ ਵਾਦੀ ਦੇ ਸਾਰੇ ਵੱਡੇ ਕਸਬਿਆਂ ‘ਚ ਕਾਰੋਬਾਰੀ ਅਦਾਰੇ, ਦੁਕਾਨਾਂ, ਦਫ਼ਤਰਾਂ, ਸਕੂਲਾਂ, ਕਾਲਜਾਂ ‘ਚ ਕੰਮਕਾਜ ਬੰਦ ਰਿਹਾ ਸਿਵਲ ਲਾਇਨ ਦੇ ਇਲਾਕੇ ‘ਚ ਨਿੱਜੀ ਕਾਰਾਂ ਤੇ ਆਟੋ ਰਿਕਸ਼ਾ ਸੜਕਾਂ ‘ਤੇ ਚੱਲਦੇ ਰਹੇ ।

ਵਾਦੀ ਦੇ ਸਾਰੇ ਵੱਡੇ ਸ਼ਹਿਰਾਂ ਤੇ ਕਸਬਿਆਂ ‘ਚ ਹੜਤਾਲ ਰਹੀ ।ਪੁਲਿਸ ਬੁਲਾਰੇ ਅਨੁਸਾਰ ਸਮੁੱਚੀ ਵਾਦੀ ਸਮੇਤ ਸ੍ਰੀਨਗਰ ਵਿਖੇ ਹੜਤਾਲ ਦੇ ਮੱਦੇਨਜ਼ਰ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧਾਂ ਹੇਠ ਸਥਿਤੀ ਸ਼ਾਂਤੀਪੂਰਨ ਬਣੀ ਰਹੀ ਤੇ ਕਿਸੇ ਇਲਾਕੇ ‘ਚੋਂ ਕਿਸੇ ਅਣਸੁਖਾਵੀਂ ਘਟਨਾ ਦੀ ਖ਼ਬਰ ਨਹੀਂ ਹੈ । ਹੂਰੀਅਤ ਨੇ ਹੜਤਾਲ ਕਾਮਯਾਬ ਬਣਾਉਣ ਲਈ ਵਾਦੀ ਦੇ ਲੋਕਾਂ ਦਾ ਧੰਨਵਾਦ ਕਰਦੇ ਹੋਏ ਮਸਰਤ ਆਲਮ ਸਮੇਤ ਸਾਰੇ ਨਜ਼ਰਬੰਦ ਕਸ਼ਮੀਰੀ ਕੈਦੀਆਂ ਨੂੰ ਤੁਰੰਤ ਰਿਹਾਅ ਕਰਨ ਦੀ ਮੰਗ ਕੀਤੀ ।

Comments

comments

Leave a Reply

Your email address will not be published. Required fields are marked *