ਚੰਡੀਗੜ੍ਹ: ਇੰਡੀਆ ਦੀ ਖੂਫੀਆ ਏਜੰਸੀ ਰਾਅ ਦੇ ਸਾਬਕਾ ਅਧਿਕਾਰੀ ਜੀ. ਬੀ. ਸਿੱਧੂ ਦੀ ਕਿਤਾਬ “ਖਾਲਿਸਤਾਨ ਦੀ ਸਾਜਿਸ਼” ਦਾ ਸੂਬਤਾਂ ਸਹਿਤ ਜਵਾਬ ਪੇਸ਼ ਕਰਦੀ ਭਾਈ ਨਰਾਇਣ ਸਿੰਘ ਦੀ ਲਿਖੀ ਕਿਤਾਬ “ਖ਼ਾਲਿਸਤਾਨ ਵਿਰੁੱਧ ਸਾਜਿਸ਼” ਉੱਤੇ ਵਿਚਾਰ ਚਰਚਾ ੬ ਜੁਲਾਈ ਦਿਨ ਐਤਵਾਰ ਨੂੰ ਚੰਡੀਗੜ੍ਹ ਵਿਖੇ ਹੋਵੇਗੀ।
ਕੇਂਦਰੀ ਸ਼੍ਰੀ ਗੁਰੂ ਸਿੰਘ ਸਭਾ (ਸੈਕਟਰ ੨੮) ਚੰਡੀਗੜ੍ਹ ਵਿਖੇ ਹੋਣ ਵਾਲੀ ਇਸ ਵਿਚਾਰ ਚਰਚਾ ਦਾ ਸਮਾਂ ਦੁਪਹਿਰ ੧੨ ਵਜੇ ਤੋਂ ਬਾਅਦ ਦੁਪਹਿਰ ੨ਃ੩੦ ਵਜੇ ਤੱਕ ਹੈ ਅਤੇ ਇਸ ਚਰਚਾ ਵਿਚ ਵਿਦਵਾਦ, ਵਿਚਾਰਵਾਨ, ਪੜਚੋਲਕਾਰ, ਸੀਨੀਅਰ ਪੱਤਰਕਾਰ ਅਤੇ ਸਿੱਖ ਜਥੇਬੰਦੀਆਂ ਦੇ ਨੁਮਾਇੰਦੇ ਸ਼ਮੂਲੀਅਤ ਕਰਨਗੇ।
ਪੰਜਆਬ ਲਾਇਰਜ਼ ਵੱਲੋਂ ਕਰਵਾਈ ਜਾ ਰਹੀ ਇਹ ਵਿਚਾਰ ਚਰਚਾ ਦੇ ਮਨੋਰਥ ਬਾਰੇ ਜਾਣਕਾਰੀ ਦਿੰਦਿਆਂ ਐਡਵੋਕੇਟ ਜਸਪਾਲ ਸਿੰਘ ਮੰਝਪੁਰ ਨੇ ਕਿਹਾ ਹੈ ਸਿੱਖ ਸੰਘਰਸ਼, ਇਸ ਦੇ ਟੀਚਿਆਂ ਅਤੇ ਸੰਗਰਸ਼ ਦੇ ਨਾਇਕ ਸ਼ਹੀਦ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਬਾਰੇ ਖੂਫੀਆ ਏਜੰਸੀਆਂ ਦੇ ਕਰਿੰਦਿਆਂ ਵਲ਼ੋਂ ਪਾਏ ਜਾ ਰਹੇ ਭਰਮ ਭੁਲੇਖਿਆਂ ਦਾ ਭਾਈ ਨਰਾਇਣ ਸਿੰਘ ਨੇ ਸਬੂਤਾਂ ਸਹਿਤ ਖੰਡਨ ਕੀਤਾ ਹੈ। ਇੰਝ ਇਹ ਕਿਤਾਬ ਇਕ ਅਹਿਮ ਦਸਤਾਵੇਜ਼ ਹੈ ਜਿਸ ਬਾਰੇ ਸਿੱਖਾਂ ਵਿਚ ਵਿਆਪਕ ਚਰਚਾ ਚੱਲਣੀ ਚਾਹੀਦੀ ਹੈ। ਇਸੇ ਮੰਤਵ ਲਈ ਪੰਜਆਬ ਲਾਇਰਜ਼ ਵੱਲੋਂ ਇਹ ਵਿਚਾਰ ਚਰਚਾ ਰੱਖੀ ਜਾ ਰਹੀ ਹੈ। ਉਹਨਾ ਸਮੂਹ ਸੰਘਰਸ਼ੀ ਹਿੱਸਿਆਂ ਤੇ ਸਿੱਖ ਸੰਘਰਸ਼ ਦੇ ਹਾਮੀਆਂ ਨੂੰ ਇਸ ਵਿਚਾਰ-ਚਰਚਾ ਵਿਚ ਸ਼ਮੂਲੀਅਤ ਦਾ ਸੱਦਾ ਦਿੱਤਾ।
ਵੀਡੀਓ ਵੇਖੋ : ਭਾਈ ਨਰਾਇਣ ਸਿੰਘ ਚੌੜਾ ਦੀ ਜਮਾਨਤ ਉੱਤੇ ਰਿਹਾਈ ਬਾਰੇ ਐਡਵੋਕੇਟ ਜਸਪਾਲ ਸਿੰਘ ਮੰਝਪੁਰ ਨਾਲ ਖਾਸ ਗੱਲਬਾਤ
