ਚੰਡੀਗੜ੍ਹ (19 ਮਾਰਚ, 2015): ਪਿੱਛਲੇ ਕਈ ਮਹੀਨਿਆਂ ਤੋਂ ਮਿਰਤਕ ਨੁਰਮਹਿਲੀਏ ਸਾਧ ਆਸ਼ੁਤੋਸ਼ ਦੀ ਮ੍ਰਿਤਕ ਦੇਹ ਦਾ ਸੰਸਕਾਰ ਕਰਨ ਦੇ ਹੁਕਮਾਂ ‘ਤੇ ਅਮਲ ਕਰਨ ਦੀ ਕਾਰਵਾਈ ਅੱਜ ਫਿਰ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਨੇ ਟਾਲ ਦਿੱਤੀ ਹੈ।
ਕਾਰਜਕਾਰੀ ਚੀਫ਼ ਜਸਟਿਸ ਐੱਸ. ਜੇ. ਵਜੀਫ਼ਦਾਰ ਦੀ ਅਗਵਾਈ ਵਾਲੇ ਡਵੀਜ਼ਨ ਬੈਂਚ ਵੱਲੋਂ ਅੱਜ ਹਾਈਕੋਰਟ ਦੇ ਹੀ ਸਿੰਗਲ ਬੈਂਚ ਦੁਆਰਾ ਆਸ਼ੂਤੋਸ਼ ਦਾ ਅੰਤਿਮ-ਸੰਸਕਾਰ ਕਰਨ ਦੇ ਫ਼ੈਸਲੇ ਵਿਰੁੱਧ ਆਈਆਂ ਅਪੀਲਾਂ ‘ਤੇ ਸੰਖੇਪ ਸੁਣਵਾਈ ਕਰਦਿਆਂ ਇਹ ਕੇਸ ਆਉਂਦੀ 28 ਅਪ੍ਰੈਲ ਤੱਕ ਅੱਗੇ ਪਾ ਦਿੱਤਾ ਗਿਆ ।
ਭਾਂਵੇ ਕਿ ਬੈਂਚ ਵੱਲੋਂ ਅੱਜ ਆਸ਼ੂਤੋਸ਼ ਦੀ ਇੰਨੀ ਲੰਮੀ ਸਮਾਧੀ ‘ਤੇ ਜੁਬਾਨੀ ਤੌਰ ਉੱਤੇ ਕਿੰਤੂ-ਪ੍ਰੰਤੂ ਜ਼ਰੂਰ ਕੀਤਾ ਗਿਆ ਹੈ । ਇਸੇ ਪ੍ਰਸੰਗ ਵਿਚ ਸਾਧਵੀ ਤਪੇਸ਼ਰੀ ਅਤੇ ਹੋਰਨਾਂ ਦੁਆਰਾ ਪੰਜਾਬ ਸਰਕਾਰ ਅਤੇ ਹੋਰਨਾਂ ਧਿਰਾਂ ਵਿਰੁੱਧ ਦਾਇਰ ਕੀਤੀ ਪਟੀਸ਼ਨ ਨੂੰ ਵੀ ਅਗਲੀ ਤਰੀਕ ‘ਤੇ ਹੀ ਸੁਣਵਾਈ ਲਈ ਰੱਖਦਿਆਾ ਮਾਮਲਾ ਕਿਸੇ ਨਬੇੜੇ ਵੱਲ ਲਿਜਾਉਣ ਤੋਂ ਪਹਿਲਾਆਸ਼ੂਤੋਸ਼ ਦੇ ਪੁੱਤਰ ਦਲੀਪ ਝਾਅ ਦੀ ਮੁੱਢਲੀ ਪਟੀਸ਼ਨ ਦੀ ਮੇਨਟੇਨੇਬਿਲੀਟੀ ਘੋਖਣ ਦੇ ਸੰਕੇਤ ਦਿੱਤੇ ਗਏ ਹਨ।
ਦਲੀਪ ਝਾਅ ਦੇ ਵਕੀਲ ਵੱਲੋਂ ਇਕ ਵਾਰ ਫਿਰ ਝਾਅ ਦੀ ਆਸ਼ੂਤੋਸ਼ ਦਾ ਪੁੱਤਰ ਹੋਣ ਬਾਬਤ ਦਾਅਵੇਦਾਰੀ ਦੀ ਪੁਖ਼ਤਗੀ ਹਿਤ ਡੀ.ਐਨ.ਏ. ਟੈਸਟ ਕਰਵਾਏ ਜਾਣ ਦੀ ਮੰਗ ਕੀਤੀ ।
