ਗੁਰੂ ਓਟ ਸਦਕਾ ਅਕਿਹ ਤੇ ਅਸਿਹ ਤਸ਼ੱਦਦ ਝੱਲਣ ਵਾਲੇ ਸ਼ਹੀਦ ਭਾਈ ਗੁਰਦੇਵ ਸਿੰਘ ਦੇਬੂ ਦੀ ਸਾਖੀ ਖਾੜਕੂ ਸੰਘਰਸ਼ ਦੀਆਂ ਅਜ਼ੀਮ ਗਾਥਾਵਾਂ ਵਿਚੋਂ ਇਕ ਹੈ। 3 ਜੁਲਾਈ 2023 ਨੂੰ ਸ਼ਹੀਦ ਭਾਈ ਗੁਰਦੇਵ ਸਿੰਘ ਦੇਬੂ ਦੇ ਸ਼ਹੀਦੀ ਦਿਹਾੜੇ ਉੱਤੇ ਉਹਨਾ ਦੇ ਜੱਦੀ ਪਿੰਡ ਧੀਰਪੁਰ (ਜਿਲ੍ਹਾ ਜਲੰਧਰ) ਵਿਖੇ ਇਕ ਸ਼ਹੀਦੀ ਸਮਾਗਮ ਕਰਵਾਇਆ ਗਿਆ। ਇਸ ਸ਼ਹੀਦੀ ਸਮਾਗਮ ਵਿਚ ਭਾਈ ਦਲਜੀਤ ਸਿੰਘ ਬਿੱਟੂ ਨੇ ਵੀ ਸ਼ਮੂਲੀਅਤ ਕੀਤੀ। ਬਾਅਦ ਵਿਚ ਸ਼ਹੀਦ ਪਰਿਵਾਰ ਦੇ ਜੀਆਂ ਤੇ ਪੰਥ ਦਰਦੀਆਂ ਨਾਲ ਭਾਈ ਦਲਜੀਤ ਸਿੰਘ ਨੇ ਸ਼ਹੀਦ ਭਾਈ ਗੁਰਦੇਵ ਸਿੰਘ ਦੇਬੂ ਦੀਆਂ ਯਾਦਾਂ ਸਾਂਝੀਆਂ ਕੀਤੀਆਂ ਤੇ ਉਹਨਾ ਦੇ ਉੱਚੇ-ਸੁੱਚੇ ਕਿਰਦਾਰ, ਜੀਵਨ, ਕਾਰਨਾਮਿਆਂ, ਸਿਦਕ ਤੇ ਸ਼ਹਾਦਤ ਦੇ ਵਾਕਿਆਂ ਦੀ ਸਾਂਝ ਪਾਈ।