ਚੰਡੀਗੜ੍ਹ: ਅੱਜ ਤਕਰੀਬਨ ਸਵੇਰੇ ਦਸ ਵਜੇ ਹੋਏ ਹਾਦਸੇ ‘ਚ ਭਾਰਤੀ ਹਵਾਈ ਫੌਜ ਦਾ ਜਹਾਜ ਡਿੱਗ ਪਿਆ ਜਿਸ ਕਰਕੇ ਦੋ ਹਵਾਈ ਫੌਜੀਆਂ ਦੀ ਮੌਤ ਹੋ ਗਈ।
ਇਹ ਹਾਦਸਾ ਜੰਮੂ-ਕਸ਼ਮੀਰ ਦੇ ਜ਼ਿਲ੍ਹੇ ਬੁਡਗਾਮ ‘ਚ ਵਾਪਰਿਆ।
ਇਹ ਉੱਡਣਖਟੋਲਾ ਬੁਡਗਾਮ ਜ਼ਿਲ੍ਹੇ ਦੇ ਪਿੰਡ ਗਰੇਂਡ ਕਲਾਂ ਨੇੜੇ ਖੁੱਲੇ ਖੇਤ ‘ਚ ਵਾਪਰਿਆ।
ਜਹਾਜ ਦੋ ਹਿੱਸਿਆਂ ‘ਚ ਟੁੱਟ ਗਿਆ ਅਤੇ ਝੱਟ ਹੀ ਉਸਨੂੰ ਅੱਗ ਲੱਗ ਗਈ।
ਅਫਸਰਾਂ ਨੇ ਦੱਸਿਆ ਕਿ ਉਹਨਾਂ ਨੂੰ ਦੋ ਜਣਿਆਂ ਦੀਆਂ ਦੇਹਾਂ ਮਿਲੀਆਂ ਹਨ ਦੋਵਾਂ ਦੀ ਪਛਾਣ ਹਾਲੇ ਨਹੀਂ ਦੱਸੀ ਜਾ ਸਕਦੀ।
ਖਬਰਾਂ ਮੁਤਾਬਕ ਭਾਰਤੀ ਅਫਸਰਾਂ ਦਾ ਕਹਿਣੈ ਕਿ ਇਸ ਹਾਦਸੇ ਦਾ ਪਾਕਿਸਤਾਨੀ ਹਵਾਈ ਜਹਾਜਾਂ ਦਾ ਭਾਰਤੀ ਸਰਹੱਦ ਵਿੱਚ ਦਾਖਲ ਹੋਣ ਨਾਲ ਕੋਈ ਲੈਣਾ ਦੇਣਾ ਨਹੀਂ ਹੈ।