ਚੰਡੀਗੜ੍ਹ: ਬੀਤੇ ਦਿਨੀਂ ਤਖਤ ਸ੍ਰੀ ਹਜ਼ੂਰ ਸਾਹਿਬ ਦੇ ਪ੍ਰਬੰਧਾਂ ਵਿੱਚ ਮਹਾਰਾਸ਼ਟਰ ਦੀ ਭਾਜਪਾ ਸਰਕਾਰ ਦੀ ਦਖਲਅੰਦਾਜੀ ਤੋਂ ਬਾਅਦ ਭਾਜਪਾ ਦੀ ਟਿਕਟ ‘ਤੇ ਦਿੱਲੀ ‘ਚ ਵਿਧਾਇਕ ਬਣੇ ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਆਗੂ ਮਨਜਿੰਦਰ ਸਿੰਘ ਸਿਰਸਾ ਨੇ ਟਵਿੱਟਰ ਉੱਤੇ ਇਸਦੀ ਵਿਰੋਧਤਾ ਜਾਹਰ ਕੀਤੀ ਸੀ।
Some BJP leaders are creating confusion in media. Our point is reflected in @Dev_Fadnavis tweet also- “not to push amendment in winter session”
That means BJP govt plans to get amendment done post winter session!
The agenda is clear- gaining control of Gurdwara Mgmt 1/2 @ANI pic.twitter.com/4IhbsD12t4— Manjinder S Sirsa (@mssirsa) January 30, 2019
ਬੀਤੇ ਕੱਲ੍ਹ ਸ਼੍ਰੋਮਣੀ ਅਕਾਲੀ ਦਲ ਵਲੋਂ ਰਾਜਸਭਾ ‘ਚ ਬੈਠਦੇ ਨਰੇਸ਼ ਗੁਜਰਾਲ ਨੇ ਭਾਰਤੀ ਜਨਤਾ ਪਾਰਟੀ ਦੀ ਬੈਠਕ ਵਿਚ ਜਾਣੋਂ ਇਹ ਕਹਿ ਕੇ ਨਾਂਹ ਕਰ ਦਿੱਤੀ ਕਿ ” ਅਕਾਲੀ ਦਲ ਰਾਸ਼ਟਰੀ ਸਵੈਮ ਸੇਵਕ ਸੰਘ ਦੀ ਗੁਰਦੁਆਰਾ ਪ੍ਰਬੰਧ ਵਿਚ ਵੱਧਦੀ ਦਖਲਅੰਦਾਜੀ ਨਾਲ ਖੁਸ਼ ਨਹੀਂ ਹੈ। ਅਕਾਲੀ ਦਲ(ਬਾਦਲ) ਕੇਂਦਰ ਦੀ ਭਾਜਪਾ ਸਰਕਾਰ ਕੋਲੋਂ ਇਹ ਮੰਗ ਕਰਦਾ ਆ ਰਿਹਾ ਹੈ ਕਿ ਕਿਸਾਨਾਂ ਦਾ ਕਰਜਾ ਮੁਆਫ ਕੀਤਾ ਜਾਵੇ ਪਰ ਅਜਿਹਾ ਕੁਝ ਨਹੀਂ ਹੋਇਆ।
And what @Dev_Fadnavis Ji has not spoken about is the amendment in Section 11 of Sri Hazoor Sahib Mgt Act, whereby Govt elects Pardhan of Gurdwara Mangt seizing the power of 17-member Gurdwara Committee. This is direct interference in Gurdwara Mgt & Sikhs wl not tolerate it 3/3
— Manjinder S Sirsa (@mssirsa) January 30, 2019
ਇਸ ਸਭ ਦੇ ਦੌਰਾਨ ਹੀ 30 ਜਨਵਰੀ ਨੂੰ ਆਰਐਸਐਸ ਦੇ ਸਿੱਖ ਚਿਹਰੇ ਰਾਸ਼ਟਰੀ ਸਿੱਖ ਸੰਗਤ ਦੇ ਪ੍ਰਧਾਨ ਅਵਤਾਰ ਸਿੰਘ ਸ਼ਾਸਤਰੀ ਵਲੋਂ ਇਹ ਬਿਆਨ ਜਾਰੀ ਕੀਤਾ ਗਿਆ ਕਿ ” ਸਿੱਖ ਮਸਲਿਆਂ ਤੇ ਸਿਰਫ ਅਕਾਲੀ ਦਲ ਦਾ ਹੱਕ ਨਹੀਂ ਹੈ।
ਰਾਸ਼ਟਰੀ ਸਿੱਖ ਸੰਗਤ ਦੇ ਪ੍ਰਧਾਨ ਅਵਤਾਰ ਸਿੰਘ ਸ਼ਾਸਤਰੀ ਵਲੋਂ ਜਾਰੀ ਕੀਤੇ ਗਏ ਬਿਆਨ ਦੀ ਤਸਵੀਰ।
ਸ਼੍ਰੋਮਣੀ ਅਕਾਲੀ ਦਲ ਹਮੇਸ਼ਾਂ ਧਾਰਮਿਕ ਥਾਵਾਂ ਦੀ ਵਰਤੋਂ ਆਪਣੇ ਰਾਜਸੀ ਮਨੋਰਥਾਂ ਲਈ ਕਰਦਾ ਆਇਆ ਹੈ।ਜੇਕਰ ਮਨਜਿੰਦਰ ਸਿੰਘ ਸਿਰਸਾ ਨੂੰ ਏਨੀ ਹੀ ਨਾਰਾਜਗੀ ਹੈ ਤਾਂ ਪਹਿਲਾਂ ਭਾਜਪਾ ਤੋਂ ਅਸਤੀਫਾ ਦੇਣ ਫੇਰ ਕੋਈ ਗੱਲ ਕਰਨ।
ਇਕ ਪਾਸੇ ਜਿੱਥੇ ਸ਼੍ਰੋਮਣੀ ਅਕਾਲੀ ਦਲ ਦੇ ਨੋਂਹ ਮਾਸ ਦੇ ਰਿਸ਼ਤੇ ਵਿਚਾਲੇ ਇਹ ਹੇਠ-ਉਤਾਂਹ ਚੱਲ ਰਹੀ ਹੈ ੳਥੇ ਦੂਜੇ ਬੰਨੇ ਬਾਦਲ ਜੋੜਾ(ਅਕਾਲੀ ਦਲ ਬਾਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਅਤੇ ਕੇਂਦਰੀ ਵਜੀਰ ਹਰਸਿਮਰਤ ਕੌਰ ਬਾਦਲ) ਭਾਜਪਾ ਦੇ ਮੋਹਰੀ ਆਗੂਆਂ ਲਈ ਸਫਰਦਗੰਜ ਰੋਡ ਵਿਚਲੇ ਆਪਣੇ ਘਰ ਵਿਖੇ ਦੁਪਹਿਰ ਦੀ ਰੋਟੀ ਦੇ ਸਮਾਗਮ ਮਨਾ ਰਿਹਾ ਸੀ।
ਬਾਦਲ ਜੋੜੇ ਨੇ ਭਾਜਪਾ ਦੇ ਮੋਹਰੀ ਆਗੂਆਂ ਨੂੰ ਆਪਣੇ ਘਰ ਰੋਟੀ-ਪਾਣੀ ਖੁਆਇਆ।
ਭਾਜਪਾ ਦੇ ਵੱਡੇ ਆਗੂ ਰਾਜਨਾਥ ਸਿੰਘ, ਸੁਸ਼ਮਾ ਸਵਰਾਜ, ਰੱਖਿਆ ਮੰਤਰੀ ਨਿਰਮਲਾ ਸੀਤਾਰਮਨ ਅਤੇ ਐਨਸੀਪੀ ਦੇ ਪ੍ਰਧਾਨ ਸ਼ਰਦ ਪਵਾਰ ਵੀ ਹਾਜਰ ਸਨ।
ਇਸ ਬਾਰੇ ਨਰੇਸ਼ ਗੁਜਰਾਲ ਨੇ ਕਿਹਾ ਕਿ ਇਸ ਸਿਰਫ ਇੱਕ ਘਰੇਲੂ ਸਮਾਗਮ ਸੀ, ਸਾਡਾ ਭਾਜਪਾ ਨਾਲ ਗੱਠਜੋੜ ਟੁੱਟਿਆ ਨਹੀਂ ਹੈ ਅਸੀਂ ਸਿਰਫ ਆਪਣਾ ਵਿਰੋਧ ਜਾਹਰ ਕਰ ਰਹੇ ਹਾਂ।
ਗੁਰਦੁਆਰਾ ਪ੍ਰਬੰਧ ‘ਚ ਦਖਲ-ਅੰਦਾਜੀ ਬਰਦਾਸ਼ਤ ਨਹੀਂ: ਲੋਂਗੋਵਾਲ
ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਗੋਬਿੰਦ ਸਿੰਘ ਲੋਂਗੋਵਾਲ ਨੇ ਬੀਤੇ ਕਲ੍ਹ ਸੰਗਰੂਰ ਜਿਲ੍ਹੇ ‘ਚ ਗੁਰਦੁਆਰਾ ਮਸਤੂਆਣਾ ਸਾਹਿਬ ਵਿਖੇ ਬੋਲਦਿਆਂ ਕਿਹਾ ਕਿ ਅਸੀਂ ਸਰਕਾਰ ਅਤੇ ਰਾਸ਼ਟਰੀ ਸਵੈਮ ਸੇਵਕ ਸੰਘ ਨੂੰ ਸਿੱਖ ਮਸਲਿਆਂ ‘ਚ ਦਖਲਅੰਦਾਜੀ ਨਹੀਂ ਕਰਨ ਦੇਵਾਂਗੇ।
ਗੋਬਿੰਦ ਸਿੰਘ ਲੋਂਗੋਵਾਲ ਨੇ ਰਾਸ਼ਟਰੀ ਸਿੱਖ ਸੰਗਤ ਦੇ ਪ੍ਰਧਾਨ ਅਵਤਾਰ ਸਿੰਘ ਹਿੱਤ ਵਲੋਂ ਮਨਜਿੰਦਰ ਸਿੰਘ ਸਿਰਸਾ ਅਤੇ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਵਿਰੁੱਧ ਜਾਰੀ ਕੀਤੇ ਬਿਆਨ ਦੀ ਨਿੰਦਿਆ ਕਰਦਿਆਂ ਕਿਹਾ ਕਿ ” ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਹੀ ਗੁਰਦੁਆਰਾ ਪ੍ਰਬੰਧਾਂ ਵਿੱਚ ਸਿੱਖਾਂ ਦੀ ਨੁਮਾਇੰਦਾ ਸੰਸਥਾ ਹੈ “।
ਮਹਾਰਾਸ਼ਟਰ ਸਰਕਾਰ ਤਖਤ ਸ੍ਰੀ ਹਜ਼ੂਰ ਸਾਹਿਬ ਬੋਰਡ ਦਾ ਪ੍ਰਧਾਨ ਆਪਣੀ ਮਰਜੀ ਨਾਲ ਬਣਾਉਣਾ ਚਾਹੁੰਦੀ ਹੈ। ਮਹਾਰਾਸ਼ਰ ਸਰਕਾਰ ਬੋਰਡ ਦੇ 1956 ਐਕਟ ਦੇ ਸੈਕਸ਼ਨ 11 ਵਿਚ ਸੋਧ ਕਰਨਾ ਚਾਹੁੰਦੀ ਹੈ ਜੋ ਕਿ ਠੀਕ ਨਹੀਂ ਹੈ।