ਚੰਡੀਗੜ੍ਹ: ਪੰਜਾਬ ਸਰਕਾਰ ਨੇ ਸੋਮਵਾਰ ਡੀਜੀਪੀ ਤੋਂ ਐਸਪੀ ਤੱਕ ਰੈਂਕ ਦੇ 29 ਅਫ਼ਸਰ ਤਬਦੀਲ ਕਰ ਦਿੱਤੇ ਹਨ। ਇਨ੍ਹਾਂ ਵਿੱਚ 18 ਆਈਪੀਐਸ ਤੇ 11 ਪੀਪੀਐਸ ਅਧਿਕਾਰੀ ਸ਼ਾਮਲ ਹਨ। ਲੁਧਿਆਣਾ ਤੇ ਅੰਮ੍ਰਿਤਸਰ ਦੇ ਪੁਲਿਸ ਕਮਿਸ਼ਨਰਾਂ ਸਮੇਤ ਕਈ ਜ਼ਿਲ੍ਹਾ ਪੁਲਿਸ ਮੁਖੀ ਵੀ ਤਬਦੀਲ ਕਰ ਦਿੱਤੇ ਹਨ।
ਨਵੀਆਂ ਤਾਇਨਾਤੀਆਂ ਮੁਤਾਬਕ ਹਰਦੀਪ ਸਿੰਘ ਢਿੱਲੋਂ ਨੂੰ ਡੀਜੀਪੀ ਅੰਦਰੂਨੀ ਚੌਕਸੀ ਤੇ ਮਨੁੱਖੀ ਅਧਿਕਾਰ ਅਤੇ ਵੈਲਫੇਅਰ ਦਾ ਵਾਧੂ ਚਾਰਜ, ਗੁਰਪ੍ਰੀਤ ਕੌਰ ਦਿਉ ਨੂੰ ਆਈਜੀ ‘ਪ੍ਰੋਵੀਜ਼ਨਿੰਗ’ ਦੇ ਨਾਲ ਆਈਜੀ ਲਿਟੀਗੇਸ਼ਨ ਦਾ ਵਾਧੂ ਚਾਰਜ, ਜਤਿੰਦਰ ਕੁਮਾਰ ਜੈਨ ਨੂੰ ਆਈਜੀ ਕਮਾਂਡੋ ਬਹਾਦਰਗੜ੍ਹ, ਐਸ.ਕੇ. ਅਸਥਾਨਾ ਨੂੰ ਆਈਜੀ ਨਵੀਨੀਕਰਨ ਤੇ ਵਾਧੂ ਚਾਰਜ ਆਈਟੀ ਤੇ ਸਟੇਟ ਕ੍ਰਾਈਮ ਬਿਊਰੋ ਪੰਜਾਬ, ਸ਼ਸ਼ੀ ਪ੍ਰਭਾ ਦਿਵੇਦੀ ਨੂੰ ਆਈਜੀ ਕ੍ਰਾਈਮ, ਆਰ.ਐਨ. ਢੋਕੇ ਨੂੰ ਕਮਿਸ਼ਨਰ ਪੁਲਿਸ ਲੁਧਿਆਣਾ, ਸੁਧਾਂਸ਼ੂ ਸ੍ਰੀਵਾਸਤਵਾ ਨੂੰ ਕਮਿਸ਼ਨਰ ਪੁਲਿਸ ਅੰਮ੍ਰਿਤਸਰ, ਵੀ. ਨੀਰਜਾ ਆਈਜੀ ਪ੍ਰਸੋਨਲ, ਅਨੀਤਾ ਪੁੰਜ ਆਈਜੀ ਸਿਖਲਾਈ ਤੇ ਫਿਲੌਰ ਦੇ ਸਿਖਲਾਈ ਕੇਂਦਰ ਦੇ ਡਾਇਰੈਕਟਰ ਦਾ ਵਾਧੂ ਚਾਰਜ, ਗੌਤਮ ਚੀਮਾ ਆਈਜੀ ਕਾਨੂੰਨ ਵਿਵਸਥਾ ਤੇ, ਜੀ. ਨਾਗੇਸ਼ਵਰ ਰਾਓ ਨੂੰ ਡਾਇਰੈਕਟਰ ਵਿਜੀਲੈਂਸ ਬਿਊਰੋ ਪੰਜਾਬ, ਐਲ.ਕੇ. ਯਾਦਵ ਆਈਜੀ ਕ੍ਰਾਈਮ ਪੰਜਾਬ, ਨੌਨਿਹਾਲ ਸਿੰਘ ਆਈਜੀ ਵੈਲਫੇਅਰ ਤੇ ਸਰਹੱਦੀ ਰੇਂਜ ਦੇ ਆਈਜੀ ਦਾ ਵਾਧੂ ਚਾਰਜ, ਰਾਜੇਸ਼ ਕੁਮਾਰ ਜੈਸਵਾਲ ਆਈਜੀ ਐਸਟੀਐਫ, ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਆਈਜੀ ਏਟੀਐਸ ਇੰਟੈਲੀਜੈਂਸ 2, ਸੁਰਿੰਦਰ ਪਾਲ ਸਿੰਘ ਪਰਮਾਰ ਆਈਜੀ ਸਾਈਬਰ ਕ੍ਰਾਈਮ, ਜਤਿੰਦਰ ਸਿੰਘ ਔਲਖ ਆਈਜੀ ਹੈਕੁਆਰਟਰ ਲਾਇਆ ਗਿਆ ਹੈ।
ਬਲਜੋਤ ਸਿੰਘ ਰਾਠੌਰ ਐਸਐਸਪੀ ਬਰਨਾਲਾ, ਸੁਸ਼ੀਲ ਕੁਮਾਰ ਐਸਐਸਪੀ ਮੁਕਤਸਰ, ਸੰਦੀਪ ਗੋਇਲ ਏਆਈਜੀ ਲੁਧਿਆਣਾ, ਪੀਪੀਐਸ ਰਾਜਜੀਤ ਸਿੰਘ ਨੂੰ ਐਸਐਸਪੀ ਮੋਗਾ ਨਿਯੁਕਤ ਕੀਤਾ ਗਿਆ ਹੈ। ਇਸੇ ਤਰ੍ਹਾਂ ਡੀ. ਸੁਧਾਰਵਿਜੀ ਏਡੀਸੀਪੀ 2 ਜਲੰਧਰ, ਕੰਵਲਜੀਤ ਕੌਰ ਐਸਪੀ ਸੁਰੱਖਿਆ ਤੇ ਟ੍ਰੈਫਿਕ ਪਟਿਆਲਾ, ਭਾਗੀਰਥ ਸਿੰਘ ਐਸਪੀ ਹੈਡਕੁਆਰਟਰ ਪਠਾਨਕੋਟ, ਸੁਰਿੰਦਰਜੀਤ ਸਿੰਘ ਮੰਡ ਏਆਈਜੀ ਕ੍ਰਾਈਮ, ਹਰਵਿੰਦਰ ਸਿੰਘ ਐਸਪੀ ਹੈਡ ਕੁਆਰਟਰ ਪਟਿਆਲਾ, ਅਮਰਜੀਤ ਸਿੰਘ ਐਸਪੀ (ਡੀ) ਪਟਿਆਲਾ, ਕੇਸਰ ਸਿੰਘ ਐਸਪੀ ਪਟਿਆਲਾ, ਰਮਿੰਦਰਜੀਤ ਸਿੰਘ ਨੂੰ ਏਡੀਸੀਪੀ ਜਲੰਧਰ ਲਇਆ ਹੈ।
