ਬਰਨਾਲਾ (1 ਜੂਨ 2014) :ਭਾਰਤ ਵਿੱਚ ਨਰਿੰਦਰ ਮੋਦੀ ਅਗਵਾਈ ਵਿੱਚ ਭਾਰਤੀ ਜਨਤਾ ਪਾਰਟੀ ਦੀ ਸਰਕਾਰ ਬਨਣ ਦੇ ਨਾਲ ਹੀ ਭਾਰਤ ਦੀ ਭਗਵਾਕਰਨ ਦੀ ਸ਼ੁਰੂਆਤ ਕਰਦਿਆਂ ਭਗਵਾਵਾਦੀਆਂ ਵੱਲੋਂ ਸਿੱਖ ਭਾਵਨਾਵਾਂ ਨਾਲ ਫਿਰ ਖਿਲਵਾੜ ਕੀਤਾ ਗਿਆ ਹੈ।
ਸ਼ੋਸ਼ਲ ਮੀਡੀਆ ਉਪਰ ਅਜਿਹਾ ਪ੍ਰਚਾਰ ਸੁਰੂ ਹੋ ਗਿਆ ਹੈ, ਜੋ ਸਿੱਖ ਧਰਮ ਦੀਆਂ ਭਾਵਨਾਵਾਂ ਨਾਲ ਸਿੱਧਾ ਖਿਲਵਾੜ ਕਰ ਰਿਹਾ ਹੈ। ਕੁਝ ਦਿਨ ਪਹਿਲਾਂ ਸਿੱਖ ਕੌਮ ਦੇ ‘ਖੰਡਾ ਕਿਰਪਾਨਾਂ’ ਵਾਲੇ ਧਾਰਮਿਕ ਚਿੰਨ ਨਾਲ ਛੇੜਛਾੜ ਕਰਕੇ ਕਿਰਪਾਨਾਂ ਦੇ ਵਿਚਕਾਰ ਖੰਡੇ ਦੀ ਥਾਂ ਗਊ ਦਾ ਸਿਰ ਛਾਪਿਆ ਗਿਆ ਸੀ ਅਤੇ ਹੁਣ ਫੇਸਬੁਕ ‘ਤੇ ਰਾਸਟਰਵਾਦੀ ਸਿਵ ਸੈਨਾ ਵੱਲੋਂ ਇੱਕ ਅਜਿਹੀ ਤਸਵੀਰ ਬਣਾਈ ਗਈ ਹੈ, ਜਿਸ ਵਿੱਚ ਸਿੱਖਾਂ ਦੇ ਦਸਵੇਂ ਗੁਰੂ ਗੋਬਿੰਦ ਸਿੰਘ ਦੇ ਬਰਾਬਰ ਮਹਾਰਾਣਾ ਪ੍ਰਤਾਪ ਅਤੇ ਸਿਵਾਜੀ ਮਰਾਠੇ ਦੀ ਤਸਵੀਰ ਛਾਪੀ ਗਈ ਹੈ।
ਪੰਜਾਬੀ ਦੇ ਅਖਬਾਰ “ਪਹਿਰੇਦਾਰ” ਵਿੱਚ ਬਰਨਾਲਾ ਤੋਂ ਲੱਗੀ ਖਬਰ ਅਨੁਸਾਰ ਫੇਸਬੁਕ ‘ਤੇ ਰਾਸਟਰਵਾਦੀ ਸਿਵ ਸੈਨਾ ਨਾਮ ਦੇ ਇਸ ਅਕਾਊਂਟ ਉਪਰ ਕਿਸੇ ਜੈ ਭਗਵਾਨ ਗੋਇਲ ਨਾਮੀ ਵਿਅਕਤੀ ਦੀ ਤਸਵੀਰ ਹੈ।