ਚੰਡੀਗੜ੍ਹ: ਪੰਜਾਬ ਦੇ ਉਪ ਮੁੱਖ ਮੰਤਰੀ ਸੁਖਬੀਰ ਬਾਦਲ ਨੇ ਇਕ ਲਿਖਤੀ ਬਿਆਨ ਜਾਰੀ ਕਰਕੇ ਕਿਹਾ ਕਿ ਜ਼ੀ (ਪੰਜਾਬ ਹਰਿਆਣਾ ਹਿਮਾਚਲ) ਨੂੰ ਬਲੈਕ ਆਊਟ ਕਰਨ ਵਿਚ ਪੰਜਾਬ ਸਰਕਾਰ ਦਾ ਕੋਈ ਰੋਲ ਨਹੀਂ।
ਜ਼ਿਕਰਯੋਗ ਹੈ ਕਿ ਫਾਸਟਵੇ ਕੇਬਲ ‘’ਤੇ ਜ਼ੀ ਦਾ ਪ੍ਰਸਾਰਣ ਬੰਦ ਹੋਣ ਤੋਂ ਬਾਅਦ ਸੱਤਾਧਾਰੀ ਬਾਦਲ ਦਲ ਨੂੰ ਜ਼ਬਰਦਸਤ ਮੁਖਾਲਫਤ ਦਾ ਸਾਹਮਣਾ ਕਰਨਾ ਪਿਆ ਸੀ। ਮੰਨਿਆ ਜਾਂਦਾ ਹੈ ਕਿ ਫਾਸਟਵੇ ਕੇਬਲ ਨੈਟਵਰਕ ਬਾਦਲ ਸਰਕਾਰ ਦੇ ਪ੍ਰਭਾਵ ਥੱਲੇ ਹੈ।
ਸੁਖਬੀਰ ਬਾਦਲ ਵਲੋਂ ਜਾਰੀ ਲਿਖਤੀ ਬਿਆਨ ਵਿਚ ਕਿਹਾ ਗਿਆ, “ਜ਼ੀ ਨੂੰ ਬੰਦ ਕਰਨ ਵਿਚ ਪੰਜਾਬ ਸਰਕਾਰ ਦਾ ਕੋਈ ਰੋਲ ਨਹੀਂ ਸਗੋਂ ਇਹ ਕੇਂਦਰ ਦੀ ਸੰਸਥਾ ‘ਰੈਗੂਲੇਟਰੀ ਬਾਡੀ ਆਨ ਮੀਡੀਆ’ ਨੇ ਬੰਦ ਕੀਤਾ ਹੈ”।