ਨਵੀਂ ਦਿੱਲੀ (14 ਜੁਲਾਈ 2014): 29/ 11 ਦੇ ਬੰਬਈ ‘ਤੇ ਫਦਾਈਨ ਹਮਲਿਆਂ ਦੇ ਦੱਸੇ ਜਾਂਦੇ ਦੋਸ਼ੀ ਅਤੇ “ਲਸ਼ਕਰ-ਏ ਤੋਇਬਾ” ਦੇ ਸੰਸਥਾਪਕ ਹਾਫਿਜ ਸਈਦ ਨਾਲ ਭਾਰਤ ਦੇ ਸੀਨੀਅਰ ਪੱਤਰਕਾਰ ਵੇਦ ਪ੍ਰਤਾਪ ਵੈਦਿਕ ਦੀ ਮੁਲਾਕਾਤ ਤੋਂ ਬਾਅਦ ਭਾਰਤ ‘ਚ ਰਾਜਨੀਤੀ ਗਰਮਾ ਗਈ ਹੈ।
ਪੱਤਰਕਾਰਾਂ ਦੇ ਇੱਕ ਗਰੁੱਪ ਨਾਲ ਪਕਿਸਤਾਨ ਦੇ ਦੌਰੇ ‘ਤੇ ਗਏ ਸੀਨੀਅਰ ਪੱਤਰਕਾਰ ਵੇਦ ਪ੍ਰਕਾਸ਼, ਨੇ 2 ਜੁਲਾਈ ਨੂੰ ਲਾਹੌਰ ਵਿੱਚ “ਜ਼ਮਾਤ-ਉਲ ਦਾਅਵਾ” ਦੇ ਮੁੱਖੀ ਹਾਫਿਜ਼ ਸਈਅਦ ਨਾਲ ਮੁਲਾਕਾਤ ਕੀਤੀ ਸੀ। ਮੀਟਿੰਗ ਦੀ ਇੱਕ ਤਸਵੀਰ ਨੇ ਸ਼ੋਸ਼ਲ ਮੀਡੀਆਂ ‘ਤੇ ਤੂਫਾਨ ਖੜਾ ਕੀਤਾ ਹੋਇਆ ਹੈ।
ਕਾਂਗਰਸ ਦੇ ਸੀਨੀਅਰ ਆਗੂ ਦਿੱਗਵਿਜੇ ਸਿੰਘ ਨੇ ਟਵਿੱਟਰ ‘ਤੇ ਟਵੀਟ ਕਰਦਿਆਂ ਲਿਖਿਆ “ਵੇਦ ਪ੍ਰਕਾਸ਼ ਹਾਫਿਜ਼ ਸਈਅਦ ਨਾਲ ਮੁਲਾਕਾਤ ਕੀਤੀ। ਕੀ ਉਹ ਐੱਨਡੀਏ ਸਰਕਾਰ ਦੇ ਦੂਤ ਦੇ ਰੂਪ ਵਿੱਚ ਉਸਨੂੰ ਮਿਲੇ ਜਾਂ ਨਰਿੰਦਰ ਮੋਦੀ ਦੇ ਨਿੱਜੀ ਦੂਤ ਦੇ ਰੂਪ ਵਿੱਚ?”
ਸਈਅਦ ਭਾਰਤ ਦੀ ਭਗੌੜੇ ਵਿਅਕਤੀਆਂ ਦੀ ਸੂਚੀ ਵਿੱਚ ਸ਼ਾਮਿਲ ਹੈ ਅਤੇ ਅਮਰੀਕਾ ਨੇ ਉਸ ਉੱਪਰ 10 ਮਿਲੀਅਨ ਡਾਲਰ ਇਨਾਮ ਵੀ ਰੱਖਿਆ ਹੋਇਆ ਹੈ।
ਉੱਧਰ ਬੀਜੇਪੀ ਨੇ ਸਈਅਦ-ਵੇਦ ਪ੍ਰਕਾਸ਼ ਮੁਲਾਕਾਤ ਦੀ ਨਿੰਦਾ ਕਰਦਿਆਂ ਉਸ ਤੋਂ ਪਾਸਾ ਵੱਟ ਲਿਆ ਹੈ। ਪਰਟੀ ਦੇ ਬੁਲਾਰੇ ਮੂਖਤਾਰ ਆਬਾਸ ਨਕਵੀ ਨੇ ਕਿਹਾ ਕਿ “ਵੇਦ ਪ੍ਰਕਾਸ਼ ਸਈਅਦ ਨੂੰ ਕਿਉਂ ਮਿਲਿਆ ਅਤੇ ਕਿਸ ਵਾਸਤੇ ਮਿਲਿਆ, ਇਹ ਇਹ ਸਭ ਉਸਨੂੰ ਖੁਦ ਦੱਸਣਾ ਚਾਹੀਦਾ ਹੈ”।
ਇਸ ਮਸਲੇ ‘ਤੇ ਆਪਣੀ ਸਫਾਈ ਦਿੰਦਿਆਂ ਵੇਦ ਪ੍ਰਕਾਸ਼ ਨੇ ਕਿਹਾ ਕਿ “ ਉਹ ਇੱਕ ਪੱਤਰਕਾਰ ਦੇ ਰੂਪ ਵਿੱਚ ਸਈਅਦ ਨੂੰ ਮਿਲਿਆ ਅਤੇ ਇੱਕ ਪੱਤਰਕਾਰ ਨੂੰ ਹਰ ਤਰਾਂ ਦੇ ਪੱਤਰਕਾਰਾਂ ਨੂੰ ਮਿਲਣਾ ਚਾਹੀਦਾ ਹੈ। ਇੱਕ ਪੱਤਰਕਾਰ ਲਈ ਕੋਈ ਵੀ ਅਛੂਤ ਨਹੀਂ।ਮੈਂ ਉਸਨੂੰ ਗਲਤ ਸਾਬਤ ਕਰਨਾ ਚਾਹੂੰਦਾ ਸੀ ਅਤੇ ਉਸਦੀ ਸੋਚ ਨੂੰ ਪ੍ਰਭਾਵਿਤ ਕਰਨਾ ਚਾਹੁੰਦਾ ਸੀ”।
ਪੱਤਰਕਾਰ ਵੇਦ ਪ੍ਰਕਾਸ਼ ਯੋਗਾ ਮਾਸਟਰ ਰਾਮ ਦੇਵ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਬਹੁਤ ਵੱਡਾ ਹਮਾਇਤੀ ਹੈ।ਸਈਅਦ ਨਾਲ ਮੀਟਿੰਗ ਕਰਨ ਕਰਕੇ ਵੱਖ-ਵੱਖ ਸੁਆਲਾਂ ਦਾ ਸਾਹਮਣਾ ਕਰ ਰਹੇ ਪੱਤਰਕਾਰ ਦਾ ਬਚਾਅ ਕਰਦਿਆਂ ਰਾਮਦੇਵ ਨੇ ਕਿਹਾ ਕਿ ਉਹ ਦਹਿਸ਼ਤ ਦੇ ਮੁੱਖ ਸਾਜਿਜ਼ ਕਰਤਾ ਦੀ ਸੋਚ ਨੂੰ ਪ੍ਰਭਾਵਿਤ ਕਰਨਾ ਚਾਹੁੰਦੇ ਸਨ।
ਕਾਂਗਰਸ ਸਮੇਤ ਕਈ ਵਿਰੋਧੀ ਦਲਾਂ ਨੇ ਇਸ ਮੁਲਾਕਾਤ ਨੂੰ ਗਲਤ ਦੱਸਿਆ ਹੈ ਤੇ ਇਸ ਮੁਲਾਕਾਤ ‘ਤੇ ਇਤਰਾਜ਼ ਪ੍ਰਗਟਾਇਆ ਹੈ। ਕਾਂਗਰਸ ਨੇ ਸਰਕਾਰ ‘ਤੇ ਇਲਜ਼ਾਮ ਲਗਾਇਆ ਹੈ ਕਿ ਵੈਦਿਕ ਦੀ ਹਾਫਿਜ ਸਈਦ ਨਾਲ ਮੁਲਾਕਾਤ ਸਰਕਾਰ ਦੇ ਇਸ਼ਾਰੇ ‘ਤੇ ਹੀ ਹੋਈ ਹੈ।
ਇਸ ਮਾਮਲੇ ਨੂੰ ਲੈ ਕੇ ਅੱਜ ਰਾਜ ਸਭਾ ‘ਚ ਵੀ ਖੂਬ ਹੰਗਾਮਾ ਹੋਇਆ। ਕਾਂਗਰਸ ਮੈਬਰਾਂ ਦੇ ਹੰਗਾਮੇ ਕਾਰਨ ਰਾਜ ਸਭਾ ਦੀ ਬੈਠਕ ਅੱਜ ਸ਼ੁਰੂ ਹੋਣ ਤੋਂ ਕੁੱਝ ਹੀ ਦੇਰ ਬਾਅਦ 15 ਮਿੰਟ ਲਈ ਮੁਲਤਵੀ ਕਰ ਦਿੱਤੀ ਗਈ। ਉਧਰ ਵੈਦਿਕ ਨੇ ਸਫਾਈ ਦਿੰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ, ਪੱਤਰਕਾਰ ਦੀ ਹੈਸੀਅਤ ਨਾਲ ਹਾਫਿਜ ਨਾਲ ਮੁਲਾਕਾਤ ਕੀਤੀ ਸੀ।