ਚਮਕੌਰ ਸਾਹਿਬ ਨੇੜੇ ਪਿੰਡ ਧੌਲਰਾਂ ਦੀ ਜਮੀਨ ਉੱਤੇ ਲੱਗਣ ਜਾ ਰਹੀ ਪੇਪਰ ਮਿੱਲ ਵਿਰੁਧ ਸਥਾਨਕ ਲੋਕ ਲਾਮਬੰਦ ਹੋਏ ਹਨ ਕਿਉੰਕਿ ਬੇਟ ਦੇ ਇਸ ਇਲਾਕੇ ਵਿਚ ਜੇਕਰ ਇਹ ਕਾਰਖਾਨਾ ਲੱਗਦਾ ਹੈ ਤਾਂ ਇਸ ਨਾਲ ਖਿੱਤੇ ਦੇ ਜਲ ਸੋਮੇਂ ਪਰਦੂਸ਼ਿਤ ਹੋਣ ਦਾ ਭਾਰੀ ਖਤਰਾ ਹੈ। ਮਿਤੀ 28 ਅਗਸਤ 2022 ਨੂੰ ਗੁਰਦੁਆਰਾ ਬੀੜ ਜੰਡ ਸਾਹਿਬ ਵਿਖੇ ਇਲਾਕਾ ਨਿਵਾਸੀਆਂ ਵੱਲੋਂ ਕਰਵਾਏ ਇਕੱਠ ਵਿਚ ਬੋਲਦਿਆਂ ਸਿੱਖ ਸਿਆਸਤ ਦੇ ਸੰਪਾਦਕ ਪਰਮਜੀਤ ਸਿੰਘ ਨੇ ਕਿਹਾ ਕਿ ਅੱਜ ਪੰਜਾਬ ਦੇ ਲੋਕ ਥਾਂ-ਥਾਂ ਪਾਣੀ ਪਲੀਤ ਕਰਕੇ ਖਤਰੇ ਵਿਚ ਪਾਈ ਜਾ ਰਹੀ ਪੰਜਾਬ ਦੀ ਸੱਭਿਅਤਾ ਨੂੰ ਬਚਾਉਣ ਦਾ ਸੰਘਰਸ਼ ਕਰ ਰਹੇ ਹਨ।