ਚੰਡੀਗੜ੍ਹ: ਸਿੱਖ ਸਿਆਸਤ ਦੇ ਪਾਠਕਾਂ ਦੀ ਜਾਣਕਾਰੀ ਹਿਤ ਅੱਜ 15 ਦਸੰਬਰ 2019 ਦੀਆਂ ਕੁਝ ਖਬਰਾਂ ਦੇ ਚੋਣਵੇਂ ਨੁਕਤੇ ਸਾਂਝੇ ਕਰ ਰਹੇ ਹਾਂ:-
ਨਾਗਰਿਕਤਾ ਸੋਧ ਕਾਨੂੰਨ ਵਿਰੋਧ:
- ਐਤਵਾਰ ਰਾਤ ਨੂੰ ਦਿੱਲੀ ਦੀ ਜਾਮੀਆ ਮਿਲੀਆ ਇਸਲਾਮੀਆ ਯੂਨੀਵਰਸਿਟੀ ਵਿੱਚ ਨਾਗਰਿਕਤਾ ਸੋਧ ਕਾਨੂੰਨ ਦਾ ਵਿਰੋਧ ਕਰਨ ਤੇ ਪੁਲਿਸ ਨੇ ਵਿਦਿਆਰਥੀਆਂ ਕੁੱਟ-ਮਾਰ ਕੀਤੀ
- ਉਕਤ ਪੁਲਿਸ ਕਾਰਵਾਈ ਦਾ ਵਿਰੋਧ ਕਰਨ ਤੇ ਯੂ.ਪੀ. ਪੁਲਿਸ ਨੇ ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਦੀ ਵੀ ਕੁੱਟਮਾਰ ਕੀਤੀ
- ਨਾਗਰਿਕਤਾ ਸੋਧ ਕਾਨੂੰਨ ਅਤੇ ਵਿਦਿਆਰਥੀਆਂ ਉੱਤੇ ਪੁਲਿਸ ਕਾਰਵਾਈ ਦੇ ਵਿਰੋਧ ਵਿਚ ਬਨਾਰਸ ਅਤੇ ਬੰਗਾਲ ਦੀਆਂ ਯੂਨੀਵਰਸਿਟੀਆਂ ਵਿਦਿਆਰਥੀਆਂ ਵਲੋਂ ਰੋਸ ਵਿਖਾਵੇ
- ਰੋਸ ਪ੍ਰਦਰਸ਼ਨਾਂ ਤੋਂ ਬਾਅਦ ਉਤੱਰ ਪ੍ਰਦੇਸ ਦੇ ਛੇ ਜਿਲ੍ਹਿਆਂ ਵਿੱਚ ਧਾਰਾ 144 ਲਾਗੂ ਕੀਤੀ ਗਈ
- ਜਾਮੀਆ ਮਿਲੀਆ ਇਸਲਾਮੀਆ ਅਤੇ ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ 5 ਜਨਵਰੀ ਤੱਕ ਬੰਦ ਕਰਨ ਦਾ ਐਲਾਨ
ਭਾਰਤੀ ਫੌਜ ਦੀ ਖਸਤਾ ਹਾਲਤ ਬਾਰੇ ਕੈਗ ਦਾ ਲੇਖਾ:
- ਕੰਟੈਪਲੇਟਰ ਐਂਡ ਆਡੀਟਰ ਜਰਨਲ (ਕੈਗ) ਨੇ ਇਕ ਲੇਖੇ ਵਿੱਚ ਭਾਰਤੀ ਫੌਜੀਆਂ ਦੀ ਮਾੜੀ ਹਾਲਤ ਦਾ ਖੁਲਾਸਾ ਕੀਤਾ
- ਲੇਖੇ ਵਿੱਚ ਕਿਹਾ ਗਿਆ ਹੈ ਕਿ ਸਿਆਚਿਨ ਅਤੇ ਲਦਾਖ਼ ਵਰਗੇ ਇਲਾਕਿਆਂ ਵਿੱਚ ਫੌਜੀਆਂ ਕੋਲ ਬੁਨਿਆਦੀ ਸਹੂਲਤਾਂ ਵੀ ਨਹੀਂ ਹਨ
- ਕਿਹਾ ਕਿ ਫੌਜੀਆਂ ਕੋਲ ਬਰਫ਼ ਵਿੱਚ ਲਾਉਣ ਵਾਲੀਆਂ ਐਨਕਾਂ ਅਤੇ ਬੂਟ ਨਹੀਂ ਹਨ ਅਤੇ ਉਹਨਾਂ ਕੋਲ ਭੋਜਨ ਵੀ ਨਹੀਂ ਹੈ
ਕਨੇਡਾ ਵਿੱਚ ਸਿੱਖ ਬੀਬੀ ਦੇ ਨਾਂ ਤੇ ਬਣਿਆ ਪਲਾਜਾ:
- ਕੈਨੇਡਾ ਵਿੱਚ ਪੁੱਜੀ ਪਹਿਲੀ ਪੰਜਾਬੀ ਸਿੱਖ ਬੀਬੀ ਹਰਨਾਮ ਕੌਰ ਦੇ ਨਾਂ ਤੇ ਬਣਿਆ ਪਲਾਜ਼ਾ
- ਵੈਨਕੂਵਰ ਦੀ ਟਰਚਰ ਅਤੇ ਬਰਾਡਵੇਅ ਸਟਰੀਟ ਦੇ ਚੌਰਸਤੇ ‘ਤੇ ਸਥਿਤ ਹੈ ਪਲਾਜ਼ਾ
- ਅਣਵੰਡੇ ਪੰਜਾਬ ਦੇ ਸ਼ਹਿਰ ਪੇਸ਼ਾਵਰ ਦੀ ਜੰਮਪਲ ਬੀਬੀ ਹਰਨਾਮ ਕੌਰ ਸੰਨ 1912 ਵਿੱਚ ਸਮੁੰਦਰੀ ਰਸਤੇ ਵੈਨਕੂਵਰ ਦੀ ਬੰਦਰਗਾਹ ‘ਤੇ ਪੁੱਜੀ ਸੀ
ਮਿਹਨਤ ਦਾ ਫਲ:
- ਕਾਜੂ ਵੇਚ ਕੇ ਪੜ੍ਹਾਈ ਕਰਨ ਵਾਲੀ ਕੁੜੀ ਨੂੰ “ਨਾਸਾ” ਤੋਂ ਆਇਆ ਸੱਦਾ
- ਤਾਮਿਲਨਾਡੂ ਦੇ ਪੁਡੁਕੋਟਾਈ ਦੀ ਰਹਿਣ ਵਾਲੀ ਗਿਆਰਵੀਂ ਜਮਾਤ ਦੀ ਜੈਲਕਸ਼ਮੀ ਕਾਜੂ ਵੇਚਕੇ ਆਪਣੀ ਪੜ੍ਹਾਈ ਅਤੇ ਘਰ ਦਾ ਗੁਜ਼ਾਰਾ ਕਰਦੀ ਹੈ
- ਜੈਲਕਸ਼ਮੀ ਨੇ ‘ਗੋ ਫਾਰ ਗੁਰੂ’ ਵੱਲੋਂ ਕਰਵਾਏ ਗਏ ਮੁਕਾਬਲੇ ਵਿੱਚ ਕਾਮਯਾਬੀ ਹਾਸਲ ਕੀਤੀ ਸੀ ਜਿਸ ਤੋਂ ਬਾਅਦ ਅਮਰੀਕਾ ਦੇ ਪੁਲਾੜ ਅਦਾਰੇ ਨਾਸਾ ਨੇ ਉਸਨੂੰ ਸੱਦਾ ਭੇਜਿਆ ਹੈ